O decano do Colexio Profesional de Xornalistas de Galicia (CPXG), Xosé Manuel Vega, no nome da Xunta de Goberno que representa, expresou hoxe a súa desconformidade coa concesión de premios aos xornalistas e aos medios de comunicación por parte dos poderes políticos por considerala impropia dun sistema democrático.

O Colexio Profesional de Xornalistas (CPXG) rexeita de raíz o proceso de privatización das delegacións da Compañía da Radio Televisión de Galicia (CRTVG) porque é incompatible coa función de servizo público que uns medios pagados por todos deben prestar nunha sociedade democrática.

O Pleno Territorial do Colexio Profesional de Xornalistas de Galicia (CPXG) acordou na súa última reunión do 28 de outubro de 2006, na que ratificou por unanimidade unha resolución da Xunta de Goberno do CPXG (documento anexo) en relación cunha solicitude de amparo presentada polo colexiado Luís Pérez Fernández, difundir o seguinte comunicado:

O Colexio Profesional de Xornalistas de Galicia (CPXG), organismo de dereito público que agrupa ao oitenta por cento dos profesionais da información e da comunicación de Galicia, a través do Observatorio Galego dos Medios (OM), quere facerlle chegar á opinión pública galega a súa alarma e a súa denuncia contra o que está sendo un constante deterioro do noso patrimonio comunicacional, ao que veñen contribuíndo de maneira tan directa como irresponsable os sucesivos gobernos, instrumentalizando as competencias estatutarias a prol dun sistema mediático que, en troques de representar á Galicia socioloxica e ideoloxicamente diversa, reduce o seu pluralismo e incrementa a súa dependencia de grupos foráneos, alleos polo tanto a canto debera singularizar e afortalar, empresarial e culturalmente, o espazo galego de comunicación. A concesión de emisoras locais de TV dixital terrestre que vén de facer a Xunta constitúe un paso decisivo nese proceso de progresiva colonización dese espazo en xeral, e neste caso concreto, do sistema audiovisual que lle é básico.