Catro anos despois da prematura morte de Nacho Mirás, a súa loita pola renovación e a supervivencia da profesión continúa viva en iniciativas como a Bolsa 'Nacho Mirás' para novos titulados ou a Guía de linguaxe inclusiva. dirixidas ás novas xeracións de xornalistas.
O Colexio Profesional de Xornalistas de Galicia e a Obra Social 'la Caixa' convocan a quinta edición de Xornalismo na Escola “la Caixa”, o programa de talleres didácticos sobre comunicación para o alumnado galego que xa ten chegado a mais de 10.000 escolares de 3º e 4º da ESO. Seis xornalistas en paro serán seleccionados para impartir os obradoiros en toda Galicia.
A Rede de Colexios Profesionais de Xornalistas vén de asinar un convenio con Yelmo Cines polo que as colexiadas e os colexiados do CPXG poden adquirir de luns a domingo dúas entradas a prezo reducido en calquera estabelecemento desta cadena de cinemas, con salas en Galicia na Coruña, Lugo e Vigo.
A Comisión Europea abriu unha convocatoria de licitación para a creación do Observatorio Europeo dos Medios Dixitais, que pretende ser unha plataforma que axude a combater a desinformación en Europa. A posta en marcha desta plataforma encádrase no plan da Comisión contra a desinformación, que xa deu lugar a distintas medidas a nivel europeo.
Nas últimas semanas foron publicados novos convenios que regulan as condicións laborais de boa parte dos traballadores estatais da radio e da prensa.
O Colexio de Xornalistas vén de asinar un convenio con Galicia Business School en virtude do cal os colexiados e colexiadas teñen dereito a un desconto do 15% sobre o prezo total dos programas de formación desta empresa. Ademais, até o 10 de outubro, tamén poden presentarse ao sorteo de medias bolsas (dun 50% de desconto sobre o prezo total) para profesionais en activo.
O Partido Socialista decidiu este xoves que o seu candidato participará nun único debate electoral a cinco, para o que propón a data do 4 de novembro. O resto de partidos aceptaron a cita, pero criticando que non se vaian a realizar máis encontros, mentres que os medios se enfrentan por ver quen organizará o debate.
En virtude do convenio asinado entre o Colexio de Xornalistas e Hub Escuela, as colexiadas e colexiados teñen un desconto do 15% sobre o prezo total do 4º Máster en Negocio e Márketing Dixital que comeza este mes de outubro. Ademais, os membros do Colexio poden optar a dúas bolsas talento que representan un desconto do 50%.
Asociacións e profesionais da comunicación afondaron onte na Coruña na importancia do storytelling na comunicación do Terceiro Sector, nunha nova edición do III Networking organizado polo Colexio Profesional de Xornalistas de Galicia e a Fundación Barrié. A temática deste ano xurdira dos propios debates de edicións anteriores, nos que se destacara a importancia de “contar unha historia” para a comunicación das entidades.
Desde o vindeiro martes 1 de outubro, o Colexio de Xornalistas regresa ao horario de inverno, segundo estipula o convenio de Despachos e Oficinas da provincia de A Coruña. A partir de agora, o CPXG estará aberto de 9.00 a 14.00 e de 16.00 a 19.00 horas de luns a xoves e de 08.00 a 15.00 horas os venres.