A decana do Colexio Profesional de Xornalistas de Galicia, Belén Regueira, e a vogal da Xunta de Goberno Ana González Liste reuníronse este martes coas xornalistas salvadoreñas Carolina Amaya, fundadora e directora de Malayerba, e Gabriela Villarroel, redactora de La Prensa Gráfica, para coñecer de primeira man a situación da liberdade de prensa nese país. Na xuntanza participaron tamén Juana Ferrer Paredes, activista dominicana da Confederación Nacional de Mujeres del Campo, que se encontra e Galicia grazas ao mesmo programa Galicia Abriga que acolle ás comunicadoras do Salvador, e Sonia Díaz, técnica de proxectos de Agareso, Asociación Galega de Comunicación para o Cambio Social. 

‘Proxecto Ponte de Palabras. Xornalismo colaborativo e transmediático especializado na migración’ é unha guía multiplataforma para mellorar a información sobre a cuestión migratoria, realizada polo alumnado de primeiro curso do grao de Xornalismo da USC, baixo a coordinación de José Casás, Xosé López e Ana Isabel Rodríguez Vázquez e coa colaboración do Colexio de Xornalistas e o Grupo de Investigación ESCULCA.

Amplíase até o mércores 31 de xullo o prazo para enviar propostas á IX bolsa ‘Nacho Mirás’ para xornalistas noveis, organizada e desenvolvida polo Colexio Profesional de Xornalistas de Galicia e patrocinada por Abanca, coa colaboración da Facultade de Ciencias da Comunicación da Universidade de Santiago de Compostela. A bolsa ten unha dotación de 6.000 euros, destinada a promover proxectos xornalísticos de persoas tituladas recentemente en Xornalismo ou Comunicación Audiovisual, aceptándose tamén o desenvolvemento de proxectos presentados como traballo de grao ou de máster.  

A Federación Internacional de Xornalistas (FIP) e o seu Consello de Xénero veñen de dirixirse ao Comité Olímpico Internacional (COI) para solicitarlle que garanta a igualdade de xénero e a seguranza das mulleres xornalistas nos vindeiros Xogos Olímpicos de París, así como que fomente a diversidade no cadro da competición.

Este próximo luns, 15 de xullo, remata o prazo para presentar candidaturas á novena bolsa ‘Nacho Mirás’ para xornalistas noveis, organizada e desenvolvida polo Colexio Profesional de Xornalistas de Galicia e patrocinada por Abanca. A bolsa ten unha dotación de 6.000 euros, destinada a promover proxectos xornalísticos de persoas tituladas recentemente en Xornalismo ou Comunicación Audiovisual, aceptándose tamén o desenvolvemento de proxectos presentados como traballo de grao ou de máster.   

A ONU publicou recentemente os seus Principios Globais para preservar a integridade da información, que recollen cinco áreas concretas para loitar contra a desinformación online: confianza e resiliencia da sociedade; incentivos positivos; empoderamento público; medios de comunicación, independentes, libres e plurais; e transparencia e investigación. O documento recolle tamén recomendacións para empresas tecnolóxicas, fornecedores de intelixencia artificial, anunciantes, organizacións da sociedade civil, estados ou medios, entre outros axentes implicados.  

Sara Covas, Sonia Díaz e Ana González Liste, en representación de Arelas, Agareso e o Colexio de Xornalistas, debatiron este xoves sobre a visión da mocidade trans galega sobre o seu tratamento mediático. Desde o colectivo, reclámase o fin de prácticas como a patoloxización do trans ou o uso do dead name e pídese ás e aos xornalistas facer un esforzo por presentar historias en positivo e referentes trans para a mocidade.

O luns 15 de xullo é o último día para presentar candidaturas á novena bolsa ‘Nacho Mirás’ para xornalistas noveis, organizada e desenvolvida polo Colexio Profesional de Xornalistas de Galicia e patrocinada por Abanca. A bolsa ten unha dotación de 6.000 euros, destinada a promover proxectos xornalísticos de persoas tituladas recentemente en Xornalismo ou Comunicación Audiovisual, aceptándose tamén o desenvolvemento de proxectos presentados como traballo de grao ou de máster.   

Belén Regueira, decana do Colexio de Xornalistas, Eliana Martíns, tesoureira, e Ana González Liste, membro da Xunta de Goberno, mantiveron este mércores unha xuntanza co director xeral de Loita contra a Violencia de Xénero da Xunta de Galicia, Roberto Barba, e a subdirectora xeral, Patricia Fernández López. No encontro, a Dirección Xeral comprometeuse a renovar o convenio para que o programa de formación contra as violencias machistas chegue ás redaccións galegas, o que se fará efectivo ao longo do ano que vén.