O Colexio Profesional de Xornalistas de Galicia vén de disponibilizar as gravacións da serie de webinars O impacto da intelixencia artificial no xornalismo: Riscos e oportunidades, organizados como complemento á xornada homónima do pasado 7 de abril. As colexiadas e colexiados poden acceder aos cursos entrando coas súas claves na plataforma de formación online. Estes webinars contan co patrocinio da Secretaría Xeral de Medios da Xunta de Galicia e a colaboración da Facultade de Ciencias da Comunicación da USC e o Colexio Profesional de Enxeñería en Informática de Galicia.

A sede do Consello da Cultura Galega en Santiago acolle este venres 4 de xuño ás 10:30 a presentación do proxecto As mulleres no xornalismo galego: A crónica revelada, premiado nos VI Premios Luísa Villalta da Deputación da Coruña. No acto van intervir a coordinadora do proxecto Eliana Martíns, a decana Belén Regueira e a deputada da área de Igualdade da Deputación da Coruña Soledad Agra.

Con motivo da celebración, este sábado 28 de xullo, do Día do Orgullo LGTBQI+, o Colexio Profesional de Xornalistas de Galicia recupera algunhas das actuacións realizadas para mellorar o tratamento informativo deste colectivo e repasa as publicacións máis relevantes para cubrir dunha maneira axeitada e responsábel a diversidade sexual. 

A Real Academia Galega escolleu a Begoña Caamaño, xornalista e colexiada, para dedicarlle a vindeira edición do Día das Letras Galegas. O Colexio Profesional de Xornalistas de Galicia aplaudiu a decisión e pediu aproveitar esta data para defender o labor da profesión xornalística na supervivencia da lingua. 

O xoves 31 de xullo é o día límite para presentar candidaturas á décima bolsa ‘Nacho Mirás’ para xornalistas noveis, organizada e desenvolvida polo Colexio Profesional de Xornalistas de Galicia e patrocinada por Abanca. A bolsa ten unha dotación de 6.000 euros, destinada a promover proxectos xornalísticos de persoas tituladas recentemente en Xornalismo ou Comunicación Audiovisual, aceptándose tamén o desenvolvemento de proxectos presentados como traballo de fin de grao ou de máster.  

Tres profesionais de eldiario.es, El Español e El Plural foron citados como imputados por revelación de segredos no cadro da investigación do Supremo sobre o acceso ao correo de Alberto González Amador, o que eleva a sete o número de xornalistas sobre os que pesa esta acusación, pola que nos próximos días declararán catro traballadores de El País, El Mundo e 20 Minutos. Numerosas organizacións xa manifestaron o seu rexeitamento contra estas acusacións, que pode producir un efecto disuasorio que dificulte a información sobre tribunais. 

Como complemento á xornada homónima do pasado 7 de abril, o Colexio Profesional de Xornalistas de Galicia organiza catro webinars de acceso libre e gratuíto co título O impacto da intelixencia artificial no xornalismo: Riscos e oportunidades. Os cursos van ter lugar o 17, 19, 26 e 30 de xuño, con comezo ás 11:00 horas, e poden realizarse de maneira independente. Entre os temas tratados estarán as implicacións legais e deontolóxicas da IA ou o seu uso na comunicación corporativa.

O Colexio Profesional de Xornalistas de Galicia  disponibiliza de maneira gratuíta os webinars "De Ana Orantes a Diana Quer e mentres tanto A manada" e "Golosinas visuais: a violencia simbólica no marco da biopolítica", impartidos por María Isabel Menéndez, para contribuír ao correcto tratamento das informacións sobre violencias machistas. As colexiadas e colexiados poden acceder aos cursos entrando coas súas claves na plataforma de formación online.

A partir do vindeiro luns, 2 de xuño, e ata o martes 30 de setembro, o Colexio Profesional de Xornalistas de Galicia funcionará en horario de verán, de luns a venres de 8.00 a 15.00 horas, segundo estipula o convenio de Despachos e Oficinas da provincia da Coruña.

A xornalista Marga Tojo impartiu este martes novos obradoiros contra a desinformación ao alumnado do IES de Brión, cos que se pon o remate ao programa de talleres durante este curso 2024-2025. O Colexio Profesional de Xornalistas de Galicia levou a alfabetización mediática aos centros de ensino medio da Coruña ao longo destes meses grazas a un convenio asinado coa Deputación da Coruña, a través da área de Dereitos Civís.