O Colexio Profesional de Xornalistas de Galicia vén de renovar o convenio asinado con Opticalia Casa dos Lentes, polo que os colexiados e colexiadas poden beneficiarse de condicións especiais nos estabelecementos de Opticalia en Santiago de Compostela, Ourense, Pontevedra e Monforte de Lemos.
Con motivo da celebración do Día Mundial do Medio Ambiente, recollemos algunhas das guías e recomendacións para informar de maneira axeitada sobre o medio ambiente, o cambio climático e a sustentabilidade nos medios de comunicación.
A proliferación de contidos potencialmente perigosos para os menores, salientada polo Consell de l'Audiovisual de Catalunya no seo da Plataforma Europea de Autoridades Reguladoras, ou o xeito correcto de entrevistar a nenos, nenas e adolescentes, motivo dunha guía editada pola ONG Educo, reveláronse nos últimos días como novos desafíos á hora de realizar unha comunicación responsábel cos dereitos dos menores.
A partir do luns, 3 de xuño, e ata o luns 30 de setembro, o Colexio Profesional de Xornalistas de Galicia terá horario de verán (de 8.00 a 15.00 horas), segundo estipula o convenio de Despachos e Oficinas da provincia de A Coruña.
A Rede de Colexios Profesionais de Xornalistas ofrece dez bolsas de matrícula gratuíta para o V Congreso Internacional de Transparencia que se celebrará en Málaga os días 30 de setembro e 1 e 2 de outubro, organizado pola Asociación Española de Acreditación da Transparencia, ACREDITRA.
Este luns publicábase no Boletín Oficial de Cantabria a resolución pola que se somete a información pública o anteproxecto de lei de creación do Colegio Profesional de Periodistas de Cantabria, un dos últimos pasos para que a creación deste colexio, que se sumaría así aos xa existentes no Estado e agrupados na Rede de Colexios Profesionais de Xornalistas.
A cuarta edición do programa Xornalismo na Escola "la Caixa" rematou hoxe logo de visitar 45 centros escolares en 35 concellos de todas as provincias galegas, impartindo un total de 93 obradoiros desde o mes de febreiro.
O boletín electrónico F5, nacido en outubro de 2002 e que edita todas as semanas o Colexio Profesional de Xornalistas de Galicia, chega este xoves 16 ao seu número 800. A newsletter recolle a información máis salientábel da semana para colexiadas e colexiados, xornalistas e público en xeral.
A Federación Europea de Xornalistas presentou para as eleccións europeas o manifesto Europa precisa o xornalismo, con "recomendacións co obxectivo de promover a liberdade de prensa, o pluralismo nos medios e o xornalismo de calidade", que a FeSP enviou aos cabezas de lista das candidaturas españolas ao Parlamento Europeo.
A semana que vén despídese a cuarta edición de 'Xornalismo na Escola "la Caixa"', a iniciativa posta en marcha polo Colexio Profesional de Xornalistas de Galicia e a Obra Social ‘la Caixa’, con obradoiros no IES Maximino Romero de Lema de Zas (o luns 13 de maio) e no IES As Bizocas do Grove (o xoves 16).