Joan Manuel Tresserras, o conseller de Cultura da Generalitat de Catalunya, expresou a súa idea acerca da necesidade de que exista unha canle de televisión pública que emita explusivamente en catalán en todo o territorio nacional.

En declaracións a Catalunya Ràdio, Tresserras enumerou as condicións con que se debe negociar para garantir o futuro centro de Sant Cugat, entre elas "non diminuír a emisión en catalán, aumentar o seu peso industrial e incrementar a súa capacidade de decisión".

O conseller asegurou que "non pode ser" que "a partir do mandato constitucional de respecto á diversidade, o mercado de televisión en catalán sexa visto como un obstáculo á hora de afrontar o proceso de reestruturación".

Por iso, apuntou que cando TVE teña o despregamento dixital aberto, cun mínimo de oito canles en linguas distintas, "sería moi útil para o pluralismo unha canle en catalán para toda España".

Por outro lado, o conseller asegurou que a cultura catalana debe ter máis autoestima e reclamou para iso a colaboración dos medios de comunicación.

Aínda que en ocasións "hai que informar moi ben da gran cultura internacional e das grandes culturas que temos no noso contorno", iso non quita, segundo o conseller, que "non teñamos un información precisa da nosa cultura e sexamos capaces de valorar aquilo bo que temos".

Cultura catalana

Tresserras destacou que a cultura catalana é un sector moi importante para a economía do país e, xa que logo, sinalou a necesidade de desterrar a idea de que a cultura é un luxo.

"Hai que convencer a todo o mundo de que a cultura e os principais actores culturais non son un luxo que queda fóra do sistema económico", sinalou o conseller, que engadiu que a cultura é un sector onde "se xera un gran valor engadido".

BARCELONA
ESTRELLA DIGITAL / EFE