No seu labor para ofrecer distintos servizos aos profesionais da información, o Colexio Profesional de Xornalistas ofrece numerosas vantaxes, como o apoio legal, a posibilidade de solicitar o carné de prensa internacional ou o acceso a cursos de formación. Tamén ten asinado numerosos convenios que ofrecen aos seus membros do Colexio vantaxes especiais á hora de contratar produtos e servizos. 

Así, recentemente asináronse novos convenios con Opticalia La Torre, que ofrece revisión visual e auditiva gratuíta e descontos para colexiados e colexiadas e os seus familiares en óptica e audioloxía, e coa A Unión de Artesanos, que oferta tres meses gratis para quen se dea de alta no seguro de asistencia sanitaria. Renováronse tamén o acordo con Asisa, ofrece condicións especiais para colexiados e colexiadas na contratación de seguros de saúde, e coas Clinicas Dentais Pazos y Couto, que a colexiadas e colexiados acceder a un prezo reducido nos seus centros de Santiago. En total, o Colexio ten varias ducias de convenios activos que ofrecen condicións especiais en aloxamentos, aluguer e compra de vehículos, lecer, subscricións a medios de comunicación, museos, clínicas de saúde, seguros ou transportes. 

Podes acceder ao catálogo completo de descontos e servizos especiais para colexiadas e colexiados a través deste enlace. Para poder ver os códigos de descontos e outras características de cada convenio, cómpre entrar na páxina co teu usuario e contrasinal. Se aínda non dispós das claves para acceder, podes solicitalas no enderezo xornalistas@xornalistas.gal ou no teléfono 981 935 670.

Se aínda non es colexiada o colexiado, podes facelo, se tes a licenciatura ou o grao en Comunicación ou Xornalismo, a través do formulario dispoñíbel na nosa web. Facerse membro do Colexio é o mellor xeito para contar cun organismo que actúa constantemente na defensa da profesión a nivel ético, competencial, de dereitos e laboral. Se aínda estás estudando e xa tes superado máis da metade dos créditos, podes colexiarse tamén sen custo por un período de até dous anos. . Se tes algunha dúbida, podes contactar co CPXG na sede de Santiago de Compostela (Rúa Ponferrada, 9, baixo), no teléfono 981 935 670 ou no correo electrónico xornalistas@xornalistas.gal.

CPXG