O CPXG lamenta a supresión de informativos e deportes da Cadena Dial en Ferrol
O pasado 31 de xullo, a emisora de Cadena Dial en Ferrol deixou de emitir os seus espacios de informativos e deportes para a comarca. A Xunta de Goberno do CPXG lamenta esta decisión, que supón o despedimento de dous profesionais nunha empresa que tiña unha gran tradición e peso entre os radioíntes de Ferrolterra.
A Xunta de Goberno do Colexio Profesional de Xornalistas de Galicia sente esta noticia que reduce aínda máis a pluralidade informativa do espazo de comunicación galego, redundando ademais na precarización laboral da profesión xornalística. A desaparición dos servicios informativos e deportivos de Cadena Dial en Ferrol rematan de apuntalar o progresivo desmantelamento dos medios de comunicación na cidade, onde xa pecharan as súas portas a emisora de Localia e a delegación territorial da CRTVG.
Dial Ferrol ofrecía varios boletíns desde primera hora da mañá co repaso diario das novas da cidade. Ademais diso, daba tamén a información do tempo e o tráfico e un informativo diario de trinta minutos de luns a venres e quince os sábados con reportaxes propias e entrevistas en profundidade.
A franxa deportiva ofrecía a diario outra media hora de información cos resultados das equipas e atletas da cidade en todas as disciplinas e categorías desde o deporte base ate ós deportistas xa consolidados.
A emisora continuará aberta, agora sen programación local, para insertar os bloques publicitarios.
Xunta de Goberno
Colexio Profesional de Xornalistas de Galicia
Dial Ferrol ofrecía varios boletíns desde primera hora da mañá co repaso diario das novas da cidade. Ademais diso, daba tamén a información do tempo e o tráfico e un informativo diario de trinta minutos de luns a venres e quince os sábados con reportaxes propias e entrevistas en profundidade.
A franxa deportiva ofrecía a diario outra media hora de información cos resultados das equipas e atletas da cidade en todas as disciplinas e categorías desde o deporte base ate ós deportistas xa consolidados.
A emisora continuará aberta, agora sen programación local, para insertar os bloques publicitarios.
Xunta de Goberno
Colexio Profesional de Xornalistas de Galicia