O programa didáctico sobre os medios de comunicación do Colexio Profesional de Xornalistas de Galicia e a Obra Social ´la Caixa` visita a semana que vén o IES da Pobra do Caramiñal, o IES Otero Pedrayo de Ourense, o CPI Santa Lucía de Moraña, o CPI Antonio Failde de Coles, o CPI Plurilingüe Cabo da Area de Laxe e o IES Cidade de Antioquía de Xinzo de Limia. Así, o programa desta nova semana de obradoiros de xornalismo é o seguinte: 

• Luns 25 no IES da Pobra do Caramiñal, entre as 10:40 e as 12:20, entre as 12:40 e as 14.20 e entre as 16.20 e as 18.00 horas. Imparte os obradoiros David Fontán Bestilleiro.
• Luns 25 no IES Otero Pedrayo de Ourense, entre as 11:20 e as 12:50 e entre as 13:00 e as 14:30 horas. Imparte os obradoiros Edgar Melchor Fernández.
• Martes 26 no CPI Santa Lucía de Moraña, entre as 13:15 e as 15:00 horas. Imparte o obradoiro Alfonso González Redondo.
• Martes 26 no CPI Antonio Failde de Coles, entre as 14:30 e as 16.00 horas. Imparte o obradoiro Edgar Melchor Fernández.
• Mércores 27 no CPI Plurilingüe Cabo da Area de Laxe, entre as 9:35 e as 11:05 e entre as 11:15 e as 13:00 horas. Imparte os obradoiros Davide Fernández García.
• Mércores 27 no IES As Lagoas Ourense, entre as 11:30 e as 13:15. Imparte o obradoiro Edgar Melchor Fernández.
• Xoves 28 no IES Cidade de Antioquía de Xinzo de Limia, entre as 10:30 e as 12.10 e entre as 12.30 e as 14:10 horas. Imparte os obradoiros Edgar Melchor Fernández.

Estes obradoiros forman parte dun total de 90 que pretenden chegar a miles de rapaces e rapazas de toda a comunidade. Susana Bastón Carballo, Pablo Díaz Bouza, Davide Fernández García, David Fontán Bestilleiro, Alfonso González Redondo e Edgar Melchor Fernández son os e as xornalistas –todos eles con ampla traxectoria profesional– que están impartindo talleres en distintas localidades galegas.

Durante os meses de febreiro, marzo, abril e maio, os seis xornalistas tratarán de fomentar que a xuventude galega coñeza o funcionamento dos medios de comunicación, así como estimular o seu espírito crítico ante os contidos que se difunden nos distintos soportes offline e online. Deste xeito, os alumnos tratarán temas como os riscos e vantaxes das novas tecnoloxías de información e a comunicación (TIC), a necesidade da mediación e o contraste de fontes no xornalismo ou, tamén, como lle afecta á xente nova a veracidade e o rigor xornalístico.

Este proxecto, que se pode seguir en twitter baixo o hashtag #XornalismoNaEscolalaCaixa, naceu grazas a un acordo acadado a finais de 2015 entre o Colexio Profesional de Xornalistas de Galicia e a Obra Social La Caixa. As tres primeiras edicións de ‘Xornalismo na Escola “la Caixa”’ desenvolveron con grande éxito no 2016, 2017 e 2018 uns 250 talleres de comunicación nun cento de puntos da xeografía galega, levando estes obradoiros a miles de alumnos e alumnas da comunidade.

A Obra Social ‘la Caixa’ está a levar esta iniciativa a outras cidades e comunidades autónomas, onde xa hai algúns anos que se puxo en marcha o proxecto. Cataluña, Sevilla e Madrid son algúns deses lugares onde se ven celebrando obradoiros de similares características.

CPXG