O curso de Indesign estará impartido por Iñaki Quenerapú e terá unha duración total de 24 horas, repartidas en tres horas semanais os martes de 16:00 a 19:00 horas, e vai impartirse entre o 21 de marzo e o 9 de maio. A cota de inscrición é de 180 €, cun desconto de 10 euros para os colexiados.

Iñaki Quererapú imparte tamén o curso de Photoshop, que se realizará os xoves de 16:00 a 19:00 horas do 23 de marzo ao 18 de maio. O obradoiro consta dun total de 24 horas e o prezo da inscrición é tamén de 180€, con desconto de 10 euros para colexiados.

Por último, o obradoiro de Montaxe de Video estará impartido por Margherita Morello os xoves de 16:00 a 20:00 horas entre o 23 de marzo e o 18 de maio do 2017, cunha duración total de 32 horas. A cota de inscrición é de 200 euros, cun desconto para colexiados de 10 euros. 

Todos os cursos son de nivel iniciación e teñen un número limitado de prazas (10 para os de Indesign e Photoshop e 15 para o de montaxe de vídeo). Para desfrutar do desconto para colexiados, é necesario inscribirse de maneira presencial na sede, previa presentación do carné de colexiado.