O Col·legi de Periodistes de Catalunya organiza o quinto obradoiro do seu Programa intensivo de estratexia en Redes Sociais, dedicado a Linkedin. A sesión formativa vai desenvolverse o martes 11 de novembro das 9:30 ás 12:30. pero tamén se gravará para que aquelas persoas que non poidan asistir teñan acceso á gravación posteriormente. O curso, dunha duración de 3 horas, ten prezo reducido para colexiados e colexiadas do CPXG.

As redes sociais son parte imprescindíbel de calquera estratexia de marketing hoxe en día. No entanto, son cada vez maiores as diferenzas entre unhas e outras, o que obriga a coñecelas de forma individualizada en profundidade para sacarlles partido. Ademais, cambios e novidades están á orde do día e converten as plataformas sociais nunha contorna cambiante. Nesta sesión informarase de temáticas como a audiencia social en LinkedIn; o algoritmo; as páxinas de empresa, de produto e afiliadas; o contido social en LinkedIn; as funcionalidades complementarias; a sección "Mi empresa"; os empregados en LinkedIn; as funcionalidades para empresa de pagamento; LinkedIn Analytics e as novidades do 2025.

En virtude dos acordos co Col·legi de Periodistes de Catalunya, este curso ofrécese aos colexiados e colexiadas do Colexio Profesional de Xornalistas de Galicia nas mesmas condicións que teñen os membros do Col·legi, cun prezo de 27,10 euros.

Para beneficiarse do prezo reducido é necesario seleccionar, no momento de facer a inscrición na web, a opción de Colexio Profesional de Xornalistas de Galicia. A posteriori, cómpre enviar por correo a cfd@periodistes.cat unha foto do carné de colexiado ou colexiada para certificar a pertenza ao CPXG. Para calquera dúbida, podes contactar con formacio@periodistes.cat.

Nota legal:

A persoa que envía o correo electrónico cos datos requiridos anteriormente declara que voluntariamente comunica ao COL·LEGI DE PERIODISTES DE CATALUNYA (en diante CPC) para incorporalos na base de datos da Entidade, xa sexa en soporte papel, informático ou outros, o cal obriga ao CPC a gardar segredo profesional con respecto aos datos que lle foron cedidos, coa finalidade de dar resposta á solicitude de inscrición que a persoa remitiu, e a enviarlle información sobre o desenvolvemento do curso ao cal se inscribiu e de cursos de formación futuros.Así mesmo, autorízalle a tratar e almacenar estes datos segundo as medidas de seguridade establecidas no Regulamento Europeo 679/2016, de 27 de abril, de Protección de Datos.

O usuario ha de saber que encher o formulario e enviar os datos solicitados implica que a información reflectida neste aviso foi lida e aceptada expresamente e que en consecuencia, outorga o seu consentimento inequívoco e explícito ao tratamento dos seus datos persoais conforme á finalidade explicada. De conformidade cos artigos 15-22 do mencionado Regulamento Europeo de Protección de Datos, o CPC informa que a persoa que asina pode exercer os dereitos de acceso, rectificación, supresión, oposición, portabilidad, esquecemento e limitación ao tratamento dos seus datos en calquera sede do CPC. Para máis información, pode consultar a Política de Privacidade do CPC en: www.periodistes.cat/politica-de-privadesa