Que é?

 

O enderezo web sede.xunta.gal no que realizar as túas xestións online coa administración coa mesma validez e garantías que se o fixeras presencialmente nunha oficina da Xunta.

Non importa onde esteas, a hora ou o día que sexa, a sede electrónica da Xunta está aberta as 24 horas os 365 días ano para que fagas as túas xestións cando mellor che veña a ti.

 

Que servizos ofrece?

 

En sede.xunta.gal podes realizar máis de 1.200 xestións online. Solicita axudas, prestacións, inscríbete en convocatorias ou rexistros desde o teu dispositivo electrónico.   

Na Guía de procedementos e servizos da sede tes o listado de xestións dispoñibles por perfís, áreas (cultura, ensino, sanidade, etc), departamentos e por tipos (bolsas, cursos, taxas etc..)

Tamén podes presentar online calquera solicitude, escrito ou comunicación que non estean recollidos nesta Guía e descargar os certificados de familia numerosa e de discapacidade.

 

Como se usa?

 

Empregando o DNI electrónico, un certificado dixital, o Servizo Chave 365 da Xunta ou o sistema Cl@ve do Goberno de España.

Podes darte de alta en Chave 365 online, cun certificado dixital ou co DNI electrónico, ou de forma presencial, acreditando a túa identidade co DNI ou TIE, na rede de oficinas da Xunta que atoparás neste enderezo.

 

Como podo consultar o estado dos meus trámites?

 

Na  Carpeta Cidadá, a través do espazo “A miña sede”, un espazo de consulta individual da sede electrónica ao que só ti podes acceder. Aquí se topan os datos persoais que achegaches á Administración, os expedientes tramitados, apoderamentos inscritos no Rexistro Electrónico Xeral de Apoderamentos de Galicia,  notificacións das resolucións e dos actos administrativos e as datas de alta e renovación do usuario e clave de Chave365.

Dúbidas

 

No apartado Axuda, da sede electrónica podes acceder a unha guía dos principais trámites e xestións da sede e como realizalos. 

 

Descarga aquí a guía completa

 

 

 

Espazo patrocinado