Colexio Profesional de Xornalistas de Galicia

Novas

A Revista Pincha conta xa co selo NRede, que acredita 21 cabeceiras dixitais galegas

xoves, 30 de xullo de 2026

O rexistro NRede do Colexio Profesional de Xornalistas de Galicia segue a incluír novos medios dixitais interesados en garantir o seu traballo xornalístico co selo de Medio Dixital Galego. Coa nova incorporación da Revista Pincha chegan a vinte e unha as cabeceiras acreditadas coa certificación que garante que a súa información é froito dun traballo profesional. Os medios interesados seguen a poder solicitar a súa inscrición, gratuíta se a tramita unha persoa colexiada.
O dano cerebral adquirido, unha discapacidade invisíbel que é preciso coñecer desde o xornalismo

xoves, 23 de xullo de 2026

A sede do Colexio Profesional de Xornalistas de Galicia acolleu na mañá de onte, Día Mundial do Cerebro, un almorzo on/off organizado polo CPXG e Dano Cerebral Galicia, que serviu para presentar as especificidades do dano cerebral adquirido frente a outras discapacidades, coñecer de primeira man o testemuño dunha persoa con esta discapacidade e facilitar algunhas pautas para mellorar a información sobre esta temática. No acto participaron Irene Cancelas Sánchez, responsable de Comunicación de Dano Cerebral Galicia; Pablo Freire Portela, traballador social de Dano Cerebral Lugo e membro do Grupo de Comunicación de Dano Cerebral Galicia; e Lucrecia Alcolado Sánchez, unha muller de 56 anos de Lugo que ten dano cerebral adquirido.
A poboación de Quiroga súmase á loita contra a desinformación

venres, 17 de xullo de 2026

A xornalista Pilar Rodríguez Losada impartiu este xoves 16 de xullo en Quiroga un novo obradoiro de alfabetización contra a desinformación organizado polo Colexio de Xornalistas coa subvención da Deputación de Lugo. O público desta vila da Ribeira Sacra puido achegarse na Casa da Cultura a ferramentas e estratexias para distinguir as noticias falsas e loitar contra elas.
Ángeles Rodríguez e Carlos G. Hervella gañan o VI Premio Somos Esenciais coa cobertura dos lumes en 'O Sil'

xoves, 25 de xuño de 2026

Ángeles Rodríguez e Carlos G. Hervella son os gañadores do sexto Premio de Xornalismo 'Somos Esenciais', organizado polo Colexio Profesional de Xornalistas de Galicia coa colaboración de Gadis, polo traballo «Megaincendios na provincia de Ourense. A traxedia das chamas», publicado en setembro de 2025 en O Sil. O xurado decidiu conceder tamén unha mención de honra a «Habitar o baleiro: luces e sombras do rural galego», publicada en Sermos Galiza, o suplemento de Nós Diario, polo colectivo formado por Alba Moledo, Brais Lorenzo, Cláudia Morán, Sol Mendiguchía e Sergio Pascual.
Ábrese no IES Poeta Añón de Outes unha nova edición dos Obradoiros contra a desinformación na Coruña

xoves, 18 de xuño de 2026

O xornalista Miguel Rodríguez impartiu esta mañá dous obradoiros contra a desinformación ao alumnado do IES Poeta Añón de Outes, cos que se inicia unha nova etapa do programa de alfabetización mediática nos centros de ensino medio da provincia da Coruña. O Colexio de Xornalistas levará ferramentas e coñecementos contra as noticias falsas a unha decena de localidades ao longo dos vindeiros meses, grazas a un convenio asinado coa Deputación da Coruña, a través da área de Dereitos Civís. O acto estivo presentado pola decana do Colexio, Belén Regueira, e a deputada da Área de Dereitos Civís da Deputación, Sol Agra.

Novas