• 

  O último obradoiro aberto sobre tratamento da violencia de xénero impártese o sábado 17 de outubro na Coruña

  mércores, 7 de outubro de 2026

  O vindeiro sábado 17 de outubro, entre as 10:30 e as 13:30, vai celebrarse na Sala Multiusos do Centro Cívico CIdade Vella o último dos obradoiros abertos e gratuítos sobre tratamento informativo das violencias contra as mulleres, impartido por Fátima Frieiro, que ten aberta a inscrición en liña. Esta actividade é posíbel grazas ao convenio asinado coa Consellería de Politica Social e Igualdade da Xunta de Galicia, no marco do Pacto de Estado contra a Violencia de Xénero para o ano 2026, e está organizada dentro do proxecto do CPXG que xa levou esta formación ás redaccións dalgúns dos principais medios galegos, ademais de a dous obradoiros abertos para xornalistas en Vigo e Santiago nas pasadas semanas. 

• 

  O Colexio de Xornalistas presenta unha análise da información municipal nas cidades galegas

  xoves, 24 de setembro de 2026

  O Colexio Profesional de Xornalistas disponibiliza a análise dos resultados da súa enquisa sobre información municipal, levada a cabo en 2025 e que recolle as valoracións de 56 profesionais da información das sete cidades galegas. Cos datos recollidos naquel momento, preséntase agora unha análise, realizada de maneira anonimizada, que presenta unha diagnose sobre o estado da cuestión, detecta eivas e fai recomendacións que poidan axudar a unha maior eficiencia no traballo tanto dos medios como dos gabinetes institucionais. O informe presenta conclusións xerais, análises individualizadas de cada cidade e unha reflexión final sobre a responsabilidade de xornalistas e medios de comunicación no deterioro da calidade da información municipal.

• 

  Os obradoiros contra a desinformación trasládanse este venres a Guitiriz

  luns, 21 de setembro de 2026

  O Colexio Profesional de Xornalistas de Galicia organiza este venres 25 de setembro en Guitiriz unha nova entrega dos obradoiros contra a desinformación na provincia de Lugo, organizados coa subvención da Deputación de Lugo. O taller de alfabetización mediática, deseñado para trasladar a poboación adulta coñecementos contra as mentiras e ferramentas para combatelas, terá lugar ás 19:30 na Escola Habaneira e estará impartido por Elena Martín Lores.

• 

  O Colexio de Xornalistas traslada á CNMC a preocupación polo incumprimento do EMFA en Galicia

  mércores, 9 de setembro de 2026

  A decana do CPXG, Belén Regueira, e o delegado en Madrid do Colexio, Fernando Varela, reuníronse este mércores co vicepresidente da Comisión Nacional de Mercados e a Competencia (CNMC), Ángel García Castillejo, e a directora de Telecomunicacións e Sector Audiovisual do organismo, Alejandra de Iturriaga Gandini. Na xuntanza o Colexio trasladou a súa preocupación pola falta de avances na implementación en Galicia do Regulamento Europeo de Liberdade de Medios de Comunicacion (EMFA), que inclúe medidas para salvagardar o pluralismo informativo e a independencia editorial dos medios de comunicación, e de obrigado cumprimento en todos os estados membros desde agosto de 2025.

• 

  A Revista Pincha conta xa co selo NRede, que acredita 21 cabeceiras dixitais galegas

  xoves, 30 de xullo de 2026

  O rexistro NRede do Colexio Profesional de Xornalistas de Galicia segue a incluír novos medios dixitais interesados en garantir o seu traballo xornalístico co selo de Medio Dixital Galego. Coa nova incorporación da Revista Pincha chegan a vinte e unha as cabeceiras acreditadas coa certificación que garante que a súa información é froito dun traballo profesional. Os medios interesados seguen a poder solicitar a súa inscrición, gratuíta se a tramita unha persoa colexiada.

Novas