O Colexio Profesional de Xornalistas de Galicia (CPXG) expresou o seu pesar pola morte do xornalista Ricardo Ortega, correspondente de Antena 3 TV, tiroteado cando cumpría a súa misión informativa en Haití.

Á vista do sucedido esta mañá no salón de plenos do Concello de Toques (A Coruña) e da arbitraria e violenta expulsión dos fotoxornalistas que cubrían a sesión pública da Corporación Municipal, o Colexio Profesional de Xornalistas de Galicia (CPXG) fai público o seguinte comunicado:

O Colexio Profesional de Xornalistas de Galicia (CPXG) expresou a súa viva satisfacción polo indulto do xornalista marroquí, Ali Lmrabet, condenado a tres anos de prisión por supostas inxurias ó rei de Marrocos.

O Colexio Profesional de Xornalistas de Galicia (CPXG) vén de formalizar a súa adhesión á organización internacional Reporteiros Sen Fronteiras (RSF), dentro da súa liña de establecer vínculos coas organizacións máis representativas na defensa dos dereitos dos xornalistas. Nun momento no que máis dun tercio da poboación mundial vive en países onde non existe ningunha liberdade de prensa, RSF actúa a diario para que a información recupere os seus dereitos. Actualmente, 133 xornalistas están na cadea en todo o mundo, simplemente por cumprir coa súa obriga. En Nepal, en Eritrea ou en China, un xornalista pode pasar varios anos no cárcere, por unha palabra ou por unha foto. Porque matar un xornalista significa eliminar unha testemuña esencial e amenazar o dereito de todos á información, Reporteiros Sen Fronteiras realiza o seu combate desde hai máis de 17 anos. Dende hoxe, o CPXG súmase a esta teima.