A raíz da cobertura que os medios de comunicación fixeron do crime perpetrado por un garda civil que matou dun disparo á súa ex noiva no interior do cuartel de Cambados, o Observatorio Galego dos Medios do Colexio Profesional de Xornalistas de Galicia, reitera o deber que teñen os xornalistas de observaren as normas éticas e profesionais ás que os obriga a súa condición de mediadores entre os feitos e a sociedade.

O Colexio Profesional de Xornalistas de Galicia (CPXG) condena o ataque ás instalacións da cadena Cope en Vigo, acontecido a semana pasada, por considerar que constitúe, ademais dun delito, un intento claro de impedir a liberdade de expresión que está garantida pola Constitución e que é a pedra angular que substenta o exercicio da profesión xornalística.

O Colexio de Xornalistas, a través do seu decano, Xosé Manuel Vega, pronunciouse sobre a polémica suscitada pola decisión da Concellería de Muller de levar ó Servizo Galego de Igualdade e ó Instituto da Muller unha viñeta na que se caricaturizaba, como boneca recortable, á 1ª tenente de alcalde, Yolanda Díaz.

A Xunta de Goberno do Colexio Profesional de Xornalistas de Galicia (CPXG) quere amosar publicamente a súa preocupación pola difusión de imaxes nos medios como a que esta semana recolleu unha paliza a un rapaz de Boiro.