A raíz da situación denunciada polo colexiado e editor do diario dixital Xornal.com, Xosé Luís Gómez, sobre a negativa do Banco Pastor a permitirlle acceder como xornalista á xunta xeral de accionista que esta entidade financeira celebra hoxe, o Colexio Profesional de Xornalistas de Galicia, despois de contrastar esa denuncia coa entidade financeira, pídelle ó Banco Pastor que trate de facilitar o acceso ás xuntas de accionistas ó maior numero posible de medios informativos.

O Colexio Profesional de Xornalistas de Galicia quere trasladarlle á sociedade galega a preocupación e a alarma que lle causa o que semella unha clara vulneración dos dereitos profesionais e persoais da xornalista colexiada Isabel Quintairos, despedida no seu día de xeito ilegal pola Cadena COPE e volta a despedir tras ter que readmitila forzosamente por senteza xudicial.

Exponse a continuación a carta que o decano do Colexio Profesional de Xornalistas de Galicia (CPXG), en representación da Xunta de Goberno, remitiu ós secretarios xerais Juan Pérez Sánchez-Orozco, Roberto García González e Carmen Freire Cruces, das entidades Xóvenes Agricultores, Unións Agrarias e Sindicato Labrego Galego, respectivamente, por mor dos altercados ocorridos onte durante as protestas dos gandeiros na fábrica de Leite Celta, en Pontedeume.

O Colexio Profesional de Xornalistas de Galicia (CPXG) vai presentar co Col.legi de Periodistas de Catalunya e coa Asociación da Prensa de Madrid un recurso ante o Tribunal Supremo contra a resolución da Xunta Electoral Central que obriga ás televisións públicas a reservar tempos fixos nos seus informativos diarios para dar conta da actividade de campaña das distintas formacións políticas que concorren ás eleccións xerais do vindeiro 9 de marzo.