Os e as xornalistas galegas levan moito tempo sufrindo unha crise de precariedade laboral, á que recentemente se sumou o impacto no mercado laboral da pandemia da COVID-19. Cun traballo xornalístico cada vez máis esixente e marcado pola innovación e a especialización, moitos profesionais da información vense obrigados a buscar saídas profesionais que antes non contemplaban. O Colexio Profesional de Xornalistas de Galicia, co apoio da Deputación da Coruña, quere dar resposta a esa busca de solucións laborais e dar opcións ás e aos xornalistas que se atopan en busca de emprego ou na procura dunha mellora laboral coa posta en marcha dun programa formativo online adaptado aos novos tempos e ás demandas das sociedade.