III Premios 'Somos Esenciais'
Do ao
O terceiro certame 'Somos Esenciais', convocado baixo o lema A información ao servizo da xente polo Colexio Profesional de Xornalistas, en colaboración con Gadis, recoñecerá o traballo xornalístico máis salientábel sobre temática social en Galicia 2022. O premio está dotado con 1.500 euros e un diploma acreditativo.
As candidaturas deben presentarse antes das 14.00 horas do mércores 31 de maio a través do correo electrónico xornalistas@xornalistas.gal, e deberán estar acompañadas da ficha de inscrición, ademais do traballo en pdf, formato de imaxe ou arquivo de vídeo ou audio, segundo corresponda. De ser o caso, acompañarase tamén dunha ligazón para localizar o traballo na rede. Estabelécese un único premio de 1.500 euros, aínda que o xurado poderá facer as mencións especiais aos traballos que considere oportunos.
O xurado estará composto por Antía González Paredes, membro do Departamento de Comunicación de Gadisa; Francisco X. González Sarria, decano do CPXG; Darío Janeiro Pereira, secretario do CPXG; Belén Regueira Leal, vicedecana segunda do CPXG; Manuel Rey Pan, xornalista gañador da pasada edición do Premio ‘Somos Esenciais' Lucía Rodríguez Peña, voluntaria e membro da xunta directiva de Agareso, Asociación Galega de Comunicación para o Cambio Social; Ana Isabel Rodriguez Vazquez, decana da Facultade de Ciencias da Comunicación da Universidade de Santiago de Compostela; e Cristina de la Vega Jiménez, xefa de Comunicacións e Relacions Institucionais da Area Sanitaria A Coruña-Cee e representante da Asociación Nacional de Informadores de Saúde.
Isabel Bravo, "Cando as preguntas aínda non tiñan resposta" (gañadora do I Premio 'Somos esenciais')
Angel Paniagua, "En la uci del covid-19: «No te vas a morir, por eso estás aquí»" (mención do I Premio 'Somos esenciais')
Manuel Rey Pan "O ano da pandemia" (gañador do II Premio 'Somos esenciais')
Elena Martín, Pablo Santiago, Sofía Caamaño Deus e Ruben Martins, "Pechar a fronteira foi como pechar a fiestra da casa" (mención do II Premio 'Somos esenciais')