A mostra reúne máis de 150 primeiras páxinas deste diario desde os seus inicios, en outubro de 2000, ata este verán. Fitos da cidade e a comarca, sucesos que marcaron estas décadas, éxitos deportivos ou substitucións políticas protagonizan a exposición, na que o visitante poderá lembrar desde o centenariazo do Deportivo e a cuarta maioría absoluta de Manuel Fraga ao accidente do Alvia, o naufraxio do Prestige, a chegada da primeira muller á Alcaldía, a declaración da Torre de Hércules como Patrimonio da Humanidade ou como a cidadanía saíu á rúa este xullo para condenar o asasinato de Samuel Luiz.

A exposición poderá visitarse até o vindeiro 18 de outubro.