A Sociedade Española de Neuroloxía (SEN) vén de poñer en marcha o seu I Premio Xornalístico, co obxectivo de promover e recoñecer o labor dos xornalistas españois na divulgación e concienciación social das enfermidades neurolóxicas, así como dos avances da neuroloxía e o seu rol socio-sanitario.

O Concello de Bueu convoca unha nova edición do Premio de Xornalismo Johán Carballeira. Poden presentarse ao galardón traballos de temática libre pertencentes a calquera xénero xornalístico escritos en lingua galega e publicados ao longo do 2022.

Aqualia convoca a sétima edición do seu premio xornalístico sobre "A xestión integral da auga nos municipios". O premio recoñece aos xornalistas que contribúen a incrementar a cultura da auga como ben escaso e preciado. 

El País abre a convocatoria da 40ª edición dos Premios Ortega y Gasset de xornalismo, que constan de catro categorías: mellor historia ou investigación xornalística, cobertura multimedia, fotografía, e traxectoria profesional. Cada unha das modalidades está dotada con 15.000 euros e unha obra de Chillida.

Accenture convoca a XXIV edición dos seus premios xornalísticos, que conta coas categorías “Economía e Innovación”, “Tecnoloxías e transformación empresarial” e “Dixitalización sustentábel”.O galardón está dotado con 8.000 euros e unha escultura de bronce en cada unha das categorías.

A Deputación de Ourense celebra as catro décadas da publicación da primeira viñeta do Carrabouxo, que Xosé Lois González publica de xeito diario no xornal La Región desde o 10 de novembro de 1982, coa mostra 40 anos do Carrabouxo, que poderá visitarse até finais de xaneiro no primeiro andar do Pazo Provincial de Ourense (Rúa do Progreso, 32). A mostra está aberta ao público das 09.00 ás 14.30 e das 17.00 ás 19.30 horas, de luns a venres..

O Concello de Villanúa, coa colaboración da Asociación de Periodiistas de Aragón e a Red de Periodiistas Rurales, convoca o I Premio Nacional de Xornalismo no Mundo Rural, que quere reivindicar a memoria de Ainhoa Camiño ao tempo que recoñece o labor dos xornalistas que, como fixo ela, desenvolven a diario o seu labor profesional no medio rural e convertéronse en altofalantes da España despoblada.

A Asociación de Periodistas de Información Económica (APIE) convoca a primeira edición dos seus Premios de Xornalismo, creados con motivo do seu 50 aniversario, que se cumpre o ano 2023. Estes galardóns queren recoñecer a excelencia na información económica e os valores que deben impulsala.

A Asociación de Periodistas de Albacete (APAB) convoca a segunda edición do Premio de Fotoxornalismo ‘Ciudad de Albacete’ á mellor fotografía de 2022. O obxectivo é recoñecer o traballo dos e as profesionais que desenvolvan o seu labor no campo do fotoperiodismo en medios de comunicación de ámbito local ou provincial de toda España.

Afundación convoca a XLIV edición do seu Premio de Xornalismo Julio Camba para artigos escritos en castelán, dotado con 10.000 euros. Poderanse presentar artigos incluídos no xénero de xornalismo literario ou ben no de artigo de opinión.

A Axencia EFE e Casa África lanzan a quinta edición do Premio Saliou Traoré de xornalismo en español sobre África, dotado con 5.000 euros e unha estatuilla conmemorativa, obra de María de Frutos.

O Colexio de Farmacéuticos da Coruña convoca este ano a vixésimo terceira edición do seu Premio Xornalístico Albarelo, que aspira a fomentar a elaboración e difusión de traballos xornalísticos relacionados coa saúde e, en concreto, con calquiera das facetas do traballo profesional do farmacéutico.

A Asociación de Informadores de Elx e o Concello de Elx convocan o III Premio Vicente Verdú de Xornalismo e Innovación, dotado con 6.000 euros, como recoñecemento a este xornalista, escritor e pintor ilicitano falecido en 2018 e nomeado Fillo Predilecto de Elx.

A Facultade de Dereito da Universidad de Cádiz (UCA) e a Asociación de la Prensa de Jerez (APJ) impulsan o programa Encontros Campus Media no Campus de Xerez. Nesta primeira edición do programa de seminarios en liña, oito investigadores da UCA achegarán aos xornalistas e á sociedade os seus traballos e a súa aplicación á vida pública, profesional e social. 

O Colegio Oficial de la Psicología de Madrid convocou a 41ª edición do Premio de Xornalismo. Ao galardón poden concorrer os xornalistas que cos seus traballos contribúan de forma significativa a mostrar á sociedade a importancia da intervención psicolóxica, a súa importante función social e os beneficios sobre a sociedade.

O Colexio Oficial de Psicoloxía de Galicia, en colaboración coa aseguradora Brokers'88, vén de convocar a segunda edición dos seus Premios de Comunicación Xoán Vicente Viqueira, cos que pretende recoñecer o labor divulgativo da Psicoloxía. Están contempladas dúas categorías, unha para xornalistas e outra dirixida a psicólogos e psicólogas que colaboren de forma frecuente cos medios, dotada cada unha delas con 2.000 euros.

O Concello de Don Benito convocou o XXIV Premio Nacional de Xornalismo Francisco Valdés para recoñecer traballos xornalísticos, escritos en castelán, de temática cultural ou social.

A Asociación de Periodistas de Segovia convoca a XXXVIII edición do Premio en memoria de Cirilo Rodríguez, que recoñece a xornalistas que realizan o seu labor fóra de España, moitas veces en escenarios de conflitos bélicos ou en situacións de risco. 

A Representación da Comisión Europea en España e a Asociación de Xornalistas Europeos, co apoio da Oficina de Información do Parlamento Europeo en España e o patrocinio de Iberdrola convocan a XXIX edición do Premio de Xornalismo Europeo Salvador de Madariaga.

O luns, 30 de xaneiro, a Sección Sociedade da Información do Ateneo de Santiago ten programada unha mesa redonda titulada «90 anos de radio en Compostela», que contará coa participación de Aser Álvarez, xornalista e documentalista, Aida Pena, xornalista da Cadena Ser, e Xosé Ramón Pousa, profesor de radio da USC.