A Facultade de Dereito da Universidad de Cádiz (UCA) e a Asociación de la Prensa de Jerez (APJ) impulsan o programa Encontros Campus Media no Campus de Xerez. Nesta primeira edición do programa de seminarios en liña, oito investigadores da UCA achegarán aos xornalistas e á sociedade os seus traballos e a súa aplicación á vida pública, profesional e social. 

Agareso, Asociación Galega de Comunicación para o Cambio Social, organiza o o XIII Seminario de Comunicación Social, que terá lugar todos os mércores desde o 1 de marzo até o 10 de maio, en horario das 16.00 ás 20.00 horas, na Facultade de Ciencias da Comunicación de Santiago de Compostela (Avenida de Castelao, s/n).

A activista e Defensora dos Dereitos Humanos afgá Massouda Kohistani visita a nosa comunidade da man de Amnistía Internacional Galicia entre os días 23 e 28 de marzo. Santiago de Compostela, Lugo, Pobra do Caramiñal, Vigo e Pontevedra son as localidades que visitará invitada polos grupos locais da organización.

A Agrupación de Periodistas de CCOO organiza o curso Necesidades informativas para a nova sociedade da comunicación: deontoloxía, comunicación para a igualdade y comunicación en situacións de crise, que puntúa para as oposicións a radiotelevisións públicas. O curso é exclusivo para persoas afiliadas ao sindicato e realizarase por streaming os sábados 1, 15, 22, 29 de abril e 6 de maio de 2023, en horario das 9:30 ás 14:30 horas.