O xoves 2 de setembro inaugurase na sala de exposicións da delegación territorial da Xunta en Lugo a exposición "Elas escribiron a historia. As primeiras xornalistas", organizada pola Secretaría Xeral da Igualdade da Xunta de Galicia, que recoñece o papel das precursoras galegas da comunicación na loita pola igualdade entre mulleres e homes. A mostra estará aberta até o mércores 29 de setembro.

O Parlamento de Galicia acolle a exposición '40 anos de Autonomía de Galicia  nas caricaturas de Siro', composta por unha selección dos 1.577 orixinais doados polo autor á Cámara galega e datados entre 1985 e 2006. A mostra poderá visitarse até o 15 de novembro. 

La Opinión A Coruña celebra o seu vixésimo aniversario cunha exposición na explanada da Mariña fronte a Palexco na Coruña, na que se fai un percorrido polos acontecementos máis importantes do século XXI a través das capas do xornal.