A Deputación da Coruña organiza unha serie de actividades arredor do décimo sexto premio Luis Ksado de fotografía, que terán lugar ao longo do mes de outubro en Santiago de Compostela, A Coruña e Betanzos. 

A activista e defensora dos dereitos das mulleres iraniana Nilufar Saberi realizará unha xira por Galicia da man de Amnistía Internacional. Saberi vai realizar charlas en Santiago de Compostela (mércores 8 de novembro, só para escolares), A Coruña (mércores 8), Lugo (xoves 9) e Vigo (venres 10), nas que abordará a problemática dos Dereitos Humanos en Irán dende a chegada ao poder de Khomeini e a súa teocracia islamista no '79, así como a súa esperanza ante os cambios que se están a producir grazas ao movemento de Muller Vida e Liberdade.

A Fundación Maldita.es, co apoio de Journalismfund Europe, ofrece un programa gratuíto de formación para combater a desinformación climática para xornalistas que traballen en medios de comunicación en España, consistente na asistencia a un evento presencial que se celebrará en Madrid, o 30 e 31 de xaneiro de 2024, con todos os gastos pagos.