A Sociedade Española de Neuroloxía (SEN) convoca a segunda edición do seu premio xornalístico co obxectivo de promover e recoñecer o labor dos xornalistas españois na divulgación e concienciación social das enfermidades neurolóxicas, así como dos avances da neuroloxía e o seu rol socio-sanitario.

A Sociedad Española de Oncología Radioterápica e a Fundación Española de Oncología Radioterápica crearon o I Premio Xornalístico da Sociedad Española de Oncología Radioterápica (SEOR), co obxectivo de promover e recoñecer o labor dos xornalistas que contribúan a ampliar a difusión do coñecemento do cancro e á concienciación social fronte a esta enfermidade, ao que se sumaría o potencial impacto social derivado da publicación.

A Fundación Grünenthal puxo en marcha a décimo cuarta edición dos seus premios de xornalismo, que recoñecen o labor de medios e xornalistas para sensibilizar a sociedade sobre a dor, o seu diagnóstico, evolución e tratamento.

A ONCE convocou a XXVI edición dos Premios Tiflos de Xornalismo para as categorías de prensa escrita, radio, televisión e xornalismo dixital. O galardón conta cunha dotación de 9.000 euros para o traballo ganador en cada categoría.

A Fundación Placeat convoca a quinta edición do Premio Nacional de Xornalismo Placeat, ao que poden optar xornalistas, comunicadores e escritores que presenten un artigo ou reportaxe en medios de comunicación impresos, que fose publicado entre o 1 de xaneiro e 31 de decembro de 2023, que estea editado en España e que mellor defenda os dereitos das persoas con discapacidade intelectual e a súa inclusión social e laboral.

A Fundación  Artemisan convoca o segundo Premio de Xornalismo “Mundo Rural”, que recoñecerá os mellores traballos que "promovan, impulsen ou apoien os valores positivos relacionados co mundo rural e coas actividades produtivas que fan posible a súa sustentabilidade, con especial atención á caza".

A Fundación Instituto Roche convoca a novena edición do Premio de Xornalismo en Medicina Personalizada de Precisión, dirixido aos informadores de todos os medios de comunicación españois que publicaran traballos sobre medicina personalizada de precisión entre o 6 de setembro de 2022 e o 3 de setembro de 2023.

Afundación convoca a XXI edición do Premio Fernández del Riego para textos realizados en galego.

O Concello de Bueu convoca unha nova edición do Premio de Xornalismo Johán Carballeira. Poden presentarse ao galardón traballos de temática libre pertencentes a calquera xénero xornalístico escritos en lingua galega e publicados ao longo do 2023.

O Colegio Profesional de Periodistas de Andalucía e o Concello de Montilla convocan o I Premio de Xornalismo “Antonio López Hidalgo” coa colaboración de Deputación de Córdoba, a Facultade de Comunicación (FCOM) da Universidade de Sevilla e a Fundación Biblioteca Manuel Ruiz Luque. O galardón pretende recoñecer e estimular a investigación desenvolvida por novos doutores no ámbito do xornalismo,

A Comisión Nacional do Mercado de Valores (CNMV) convocou a séptima edición do Premio Antonio Moreno Espejo de xornalismo co que pretende recoñecer aqueles "traballos xornalísticos que destaquen polo fomento da integridade e transparencia do mercado de valores, así como a tutela dos intereses dos inversores".

O Concello de Lalín convocou unha nova edición do Premio Nacional de Xornalismo Gastronómico Álvaro Cunqueiro, co que pretende fomentar a difusión da cociña galega e premiar o labor realizado por xornalistas e escritores que prestan especial atención a este tema.