II Premio Shireen Abu Akleh
Do ao
Información de contacto:
Federación Internacional de Periodistas (ifj@ifj.org)
Unión de la Prensa Francófona (sg@presse-francophone.org)
lroyfij@gmail.com
A Federación Internacional de Xornalistas (FIP) e a Unión da Prensa Francófona (UPF) convocan a segunda edición do Premio Shireen Abu Akleh, un galardón anual dotado con 5000 euros que recoñece a valentía, a integridade e o compromiso das mulleres xornalistas de todo o mundo. O premio rende homenaxe ás mulleres profesionais dos medios de comunicación que arriscan a súa seguridade para informar ao público e defender os máis altos estándares do xornalismo.
O Premio Shireen Abu Akleh está aberto a mulleres xornalistas, fotógrafas e vídeo xornalistas de todas as nacionalidades, idiomas de traballo e plataformas mediáticas, sempre que posúan unha tarxeta de prensa profesional recoñecida. As candidatas poden presentar a súa candidatura elas mesmas ou ser nomeadas polo seu medio de comunicación ou por un terceiro. Non hai límite de tempo para as accións que dan lugar ao nomeamento.
As candidaturas poden enviarse, até o 1 de marzo de 2026, por correo electrónico a Federación Internacional de Periodistas (ifj@ifj.org), Unión de la Prensa Francófona (sg@presse-francophone.org) e lroyfij@gmail.com. Deberán ir acompañadas dunha descrición precisa das accións que dan lugar á candidatura, redactada en inglés ou francés. A selección será supervisada por un comité independente composto por representantes da FIP, a UPF, a UNESCO e a Organización Internacional da Francofonía (OIF), ademais de tres xornalistas destacados.
Máis información na web da FIP.