Poden concorrer a estes premios os traballos xornalísticos orixinariamente en español, individuais ou grupais, publicados en prensa impresa, dixital ou audiovisual, desde o 1 de setembro de 2024 ata o 30 de setembro de 2025 (ambos os dous inclusive), que traten sobre ámbitos do sector inmobiliario, tecnolóxico e de medio ambiente. 

Os galardóns contemplan tres categorías: Mellor artigo de análise de situación do sector inmobiliario residencial, Mellor artigo sobre tecnoloxías disruptivas que se estean aplicando na actualidade e Mellor artigo de divulgación sobre a sustentabilidade na España rural. O tema dos traballos e a extensión será libre, sempre que teñan un contido acoutado ás características da categoría á que se presenten.

Os traballos enviaranse ao correo electrónico comunicacion@viaagora.com en formato Word ou PDF, indicando no asunto “II Premios Vía Ágora de Periodismo” e incluíndo o nome do autor ou autores, os datos de contacto, o título do traballo, a data e medio no que foi publicado o traballo e a modalidade á que opta. A data límite para a presentación será  ás 18:00 horas do 30 de setembro de 2025.

Máis información nas bases do premio.