A ONCE convocou a XXVII edición dos Premios Tiflos de Xornalismo para as categorías de prensa escrita, radio, televisión e xornalismo dixital. O galardón conta cunha dotación de 9.000 euros para o traballo ganador en cada categoría.

A Fundación Grünenthal puxo en marcha a décimo quinta edición dos seus premios de xornalismo, que recoñecen o labor de medios e xornalistas para sensibilizar a sociedade sobre a dor, o seu diagnóstico, evolución e tratamento.

Aqualia convoca a novena edición do seu premio xornalístico sobre "A xestión integral da auga nos municipios". O premio recoñece aos xornalistas que contribúen a incrementar a cultura da auga como ben escaso e preciado. 

O Parlamento Europeo publica unha nova convocatoria de subvencións dirixida a axencias de noticias, cadeas de televisión, emisoras de radio, medios dixitais e prensa escrita. Os proxectos que se presenten deben incluír a difusión do labor do Parlamento Europeo e contribuír á sensibilización da sociedade fronte á desinformación, a verificación dos feitos e a alfabetización mediática.

O Concello de Lalín convocou unha nova edición do Premio Nacional de Xornalismo Gastronómico Álvaro Cunqueiro, co que pretende fomentar a difusión da cociña galega e premiar o labor realizado por xornalistas e escritores que prestan especial atención a este tema.

O Concello de Villanúa, coa colaboración da Asociación de Periodiistas de Aragón e a Red de Periodiistas Rurales, convoca o III Premio Nacional de Xornalismo no Mundo Rural, que quere reivindicar a memoria de Ainhoa Camiño ao tempo que recoñece o labor dos xornalistas que, como fixo ela, desenvolven a diario o seu labor profesional no medio rural e convertéronse en altofalantes da España despoblada.

Convócase a décimo cuarta edición dos premios xornalísticos La Buena Prensa. O galardón consta de sete categorías: Mellor reportaxe, Mellor entrevista, Mellor fotografía, Mellor crónica, Mellor cobertura dun feito previsto, Mellor cobertura dun feito imprevisto, Mellor serie e Mellor suplemento. O galardón consiste na entrega dun diploma.

O Colegio Oficial de la Psicología de Madrid convocou a 43ª edición do Premio de Xornalismo. Ao galardón poden concorrer os xornalistas que cos seus traballos contribúan de forma significativa a mostrar á sociedade a importancia da intervención psicolóxica, a súa importante función social e os beneficios sobre a sociedade.

O Instituto de la Ingeniería de España (IIE) e a Fundación para el Fomento de la Innovación Industrial (F2i2) convocan os seus Premios de Comunicación e Divulgación para recoñecer a medios e profesionais que, de forma especialmente meritoria, extraordinaria e exemplar, contribúen a informar e dar a coñecer a realidade da enxeñería española, os seus logros e a súa contribución ao benestar económico e social.

A Asociación de Informadores de Elx e o Concello de Elx convocan o V Premio Vicente Verdú de Xornalismo e Innovación. O premio está dotado con 6.000 euros, como recoñecemento a este xornalista, escritor e pintor ilicitano falecido en 2018 e nomeado Fillo Predilecto de Elx. O xurado poderá conceder até dous accésits, cunha dotación de 500 euros cada un.

A Axencia EFE e Casa África lanzan a sétima edición do Premio Saliou Traoré de xornalismo en español sobre África, dotado con 5.000 euros e unha estatuilla conmemorativa, obra de María de Frutos.

O Concello de Don Benito convocou o XXVI Premio Nacional de Xornalismo Francisco Valdés para recoñecer traballos escritos en castelán que estimulen a convivencia, a liberdade e a democracia a través do xornalismo cultural..

A Fundación Gabo abre as inscricións ao Premio Gabo 2025, co obxectivo de "promover referentes de excelencia, coherencia ética e innovación para o xornalismo Iberoamericano como unha achega ao cumprimento do seu propósito de apoiar a xornalistas e contadores de historias para acadar unha sociedade mellor informada, participativa e libre".