V Premio de Xornalismo “Mundo Rural”
A Fundación Artemisan convoca o quinto Premio de Xornalismo “Mundo Rural”, que recoñecerá os mellores traballos que "promovan, impulsen ou apoien os valores positivos relacionados co mundo rural e coas actividades produtivas que fan posible a súa sustentabilidade, con especial atención á caza".
O certame establece un primeiro premio dotado con 3.000 euros e un accésit de 1.000 euros. Os traballos deberán ter sido publicados en medios de comunicación (radio, televisión, prensa escrita ou medios dixitais) entre o día 1 de outubro de 2024 e o día 30 de setembro de 2025.
O prazo de participación permanecerá aberto ata o 31 de decembro de 2025 ás 23:59 horas. Poderán presentarse as candidaturas no correo electrónico: prensa@fundacionartemisan.com, indicando no asunto ‘”Premio de Periodismo Mundo Rural” e o nome do participante.
Máis información nas bases do premio.