Os galardóns constan de dúas categorías, unha de dor e outra de dor infantil. En cada unha delas hai dúas modalidades, medios escritos e audiovisuais. En cada modalidade outorgarase un primeiro premio de 3.000 euros e un segundo de 1.500.

Poden participar traballos xornalísticos de prensa impresa, dixital ou audivisual que teñan como temática principal a dor desde o punto de vista asistencial, biopsicosocial, socioeconómico ou de concienciación. Os traballos teñen que ter sido publicados ou emitidos entre o 1 de xaneiro de 2024 e o 31 de decembro de 2024 en calquera medio de comunicación español, e poden presentarse en castelán ou nalgunha das linguas oficiais do Estado, en cuxo caso debe anexarse tradución ao castelán.

A inscrición pode realizarse até o 3 de xaneiro de 2025 a través da web do premio ou por correo postal ao enderezo Fundación Grünenthal. Dr. Zamenhof, 36. 28027 Madrid.  

Máis información nas bases do premio.