Poderán optar ao mesmo todos os traballos xornalísticos difundidos por primeira vez entre o 1 de xaneiro de 2022 e o 30 de xuño de 2023 emitidos nos medios de comunicación de ámbito galego ou nacional, tanto escritos –soporte papel ou dixital– como radiofónicos ou audiovisuais. Como novidade, ábrense as candidaturas ao premio a creadores de contido sanitario divulgativo que presenten traballos, ou conxuntos de traballos, difundidos en blogs ou perfís nas diferentes redes sociais como Instagram, Facebook e Youtube.

Os autores que desexen participar no premio deberán enviar unha copia publicada da obra ao Colexio Oficial de Farmacéuticos da provincia da Coruña (Rego de Auga, 29-4º - 15001 A Coruña) especificando no sobre "23 Premio Periodístico Albarelo", e introducindo un escrito cos seus datos persoais e un breve curriculum vitae que non exceda de 70 palabras, aínda que se o desexan poden acompañalo con outro curriculum vitae máis extenso con fins informativos. O prazo para recibir orixinais remata o 30 de xuño de 2023.

Estabelécese un primeiro premio de 3.000 € para o traballo máis destacado a xuízo do xurado e dous segundos premios de 1.000 € cada un dos dous finalistas.

Máis información na web do Colexio de Farmacéuticos.