Xa está dispoñíbel a caixa de ferramentas para xornalistas
PuntoGal oferta xa na súa páxina web a tradución ao galego da caixa de ferramentas realizada pola Global Cyber Alliance para garantir a seguridade das comunicacións e do almacenamento de datos das e dos xornalistas, que compila utilidades para o seu uso sinxelo e de balde. Ademais, o Colexio Profesional de Xornalistas de Galicia está a realizar acordos con ambas as dúas organizacións para pór en marcha actividades de formación e ofrecer descontos para colexiados e colexiadas na contratación de dominios .gal.