O programa do ciclo de conferencias 'Xornalismo Século XXI', que organizan o Colexio Profesional de Xornalistas de Galicia e Caixanova, continúa en abril coa presenza de Mª José Roselló, (Pontevedra e Ourense); Paloma Gomez Borrero (Ourense); Fran Sevilla (Pontevedra); Antonio Gasset e José Oneto (ambos os dous na Coruña).

O novo perfil da 2 que deseñan os novos directivos de TVE comezarase a notar na grella a finais de abril. Haberá un novo contedor de espazos xuvenis, un programa especial de 'Saber e gañar' en horario de máxima audiencia e unha maior presenza de espazos infantis.

Os concursos para a concesión da Televisión Dixital Terrestre (TDT) para móbiles convocaranse unha vez que se aprobe a Lei de Impulso da Sociedade da Información, cuxo anteproxecto acaba de ser informado polo Consello de Estado, segundo o secretario de Estado de Telecomunicacións, Francisco Ros.

EEUU aprobou a venda de Univisión a un grupo de investidores privados e chegou a un acordo coa cadea de TV en español para o pagamento dunha multa de 24 millóns de dólares, que liquidará un litixio pendente sobre programación infantil.

O Col.legi de Periodistes de Catalunya considera inadmisibles as medidas acordadas polo Partido Popular contra o grupo de comunicación PRISA. Nunha decisión sen precedentes na democracia, o principal partido da oposición anunciou que "deixará de atender todas as convocatorias de entrevistas, debates e programas do Grupo Prisa e outras empresas controladas por Xesús de Polanco". O PP responde así a unhas declaracións do presidente de PRISA formuladas na Xunta xeral da compañía.

O vindeiro 10 de abril farase público o fallo (...)

El próximo 10 de abril se hará público el fallo (...)

Oito candidaturas optan á III Edición do Premio José Couso de Liberdade de Prensa, unha iniciativa do Colexio Profesional de Xornalistas de Galicia (CPXG), o Club de Prensa de Ferrol e Caixanova. Os finalistas son César Hildebrant, Felipe Suárez, Gervasio Sánchez, Gorka Landaburu e o xornal Euskaldunon Egunkaria, Jon Lee Anderson, as fotoxornalistas Marisa Flórez e Queca Campillo, Tomás Alcoverro e Pedro Nolasco.

A empresa Infoinvest, filial da Sociedade Estatal de Participacións Industriais (Sepi), chegou a un acordo co BBVA para venderlle o edificio no que se atopa a sé central de EFE, por 51,25 millóns de euros, segundo confirmou a propia axencia.

O presidente da comisión de Peticións do Parlamento Europeo, o conservador polaco Marcin Libicki, concluíu que as denuncias formuladas polo comité de empresa de Telemadrid volveranse discutir en abril na reunión de coordinadores da comisión que reúne a representantes de todos os grupos.