O xornalista italiano Daniele Mastrogiacomo, secuestrado polos talibán en Afganistán, sinala nunha mensaxe de audio atribuído a el que lle matarán en dous días se o Goberno de Roma non acepta a negociar.

Catro anos despois da onda represiva de marzo de 2003 Cuba segue tendo 270 presos de opinión, entre os que hai 25 xornalistas, o que converte á illa no segundo cárcere do mundo para a prensa, despois de China.

O Observatorio dos Medios (OM) do Colexio Profesional de Xornalistas de Galicia (CXPG) organiza o seu cuarto Foro Internacional, Comunicación e Persoas Maiores. O foro ten xa en andamento unha parte virtual, que deu comezo o pasado luns 12 de febreiro e se desenvolve na páxina web do Observatorio até o 14 de abril. Na mañá desa data celebrarase unha xornada presencial no Liceo de Ourense.

A Federación Internacional de Xornalistas (FIP) pide a liberación de xornalistas "detidos desde fai anos, sen proceso e en condicións deplorables" en Eritrea e Etiopía, nun comunicado divulgado en Dacar.

O grupo italiano de medios Mediaset, controlado por Silvio Berlusconi e principal accionista de Telecinco, confirmou nunha presentación a analistas que poxará pola produtora Endemol, filial de Telefónica, xunto a John de Mol. Menor interese manifestaron na empresa de Internet italiana Fastweb.

Funcionarios, xerentes de empresas públicas e xornalistas expóñense en Polonia a sancións e despedimentos en caso de se negaren a declarar sobre se colaboraron no pasado coa policía política comunista. O Tribunal Constitucional debe pronunciarse sobre unha lei que provoca tanto divisións como a rebelión nalgúns gremios.

O Sindicato de Xornalistas de Baleares (SPIB) expresou a súa "preocupación" pola "deriva" que se observa a poucos meses das eleccións nos medios de comunicación públicos das illas, como IB3 e Mallorca TV, e mostrou o seu rexeitamento a "calquera tipo de censura e manipulación".

O secretario xeral de Comunicación, presidiu o acto de presentación da memoria do Club do ano pasado, acompañado pola súa directora, Carmen Carballo. Entre as novidades para 2007, destaca o ciclo "Pobre Mundo Rico", unha ollada á loita contra a pobreza.

O Concello de Lugo convoca o I Concurso Xornalístico`Muralla Aberta´ co que se tentará contribuir a erradicar a violencia de xénero e destacar aquelas mulleres que desempeñaron un importante labor nalgún ámbito.

A Xunta de Andalucía outorga a Comunicación Radiofónica, do Grupo PRISA, e Avista Televisión de Andalucía, de Vocento, dúas concesións privadas de televisión dixital terrestre de ámbito autonómico.