A proposta do PP en materia de medios de comunicación para as próximas eleccións municipais inclúe a "protección de espazos e horarios reservados" para menores nos medios de comunicación, mentres o PSOE recolle no seu Programa Marco Municipal a "xestión transparente e participativa dos medios locais de comunicación, nos que estarán representados todos os grupos políticos".

Santiago Rey Fernández-Latorre, presidente de La Voz de Galicia, e José Luis Ulibarri, presidente do Grupo Begar, firmaron o acordo esta mañá en León. O cambio de socio maioritario contempla manter o actual cadro.

Un milleiro de persoas asistiu este mediodía ó funeral polo xornalista Josep Maria Huertas Claveria, falecido a madrugada do domingo, na parroquia de Santa Maria do Taulat que se quedou pequena nun acto que congregou á profesión xornalística, ó mundo político e á sociedade civil.

A empresa galega LambdaStream lanza dúas canles de TV por Internet. A compañía está en conversacións con investidores privados e fondos de capital de risco. A empresa, apoiada pola Universidade da Coruña e a Xunta de Galica vía axudas do Proxecto Galego I+D+i, está en conversacións con varios investidores privados e fondos de capital de risco para dar entrada a novos socios nun proceso que concluirá en maio ou xuño e que reforzará os seus proxectos de expansión internacional.

O Club Internacional da Prensa (CIP) organizará a semana próxima sendas mesas redondas nas que se analizará a situación da muller nos medios de comunicación, así como o seu papel na publicidade actual.

Tres meses despois do seu lanzamento internacional, a versión 2.0 do navegador Firefox xa está dispoñíbel en galego.O máis relevante é que foi o esforzo de voluntarios, baixo o paraugas de Mancomun.org, o que permitiu a rápida tradución desta ferramenta, cada día máis popular entre os internautas. Na actualidade, en torno a un terzo dos usuarios empregan a principal alternativa libre ao Microsoft Explorer.

Os traballadores de Telemadrid celebraron un paro de dúas horas entre a unha e as tres do mediodía. Segundo fontes de CCOO, o obxectivo da protesta foi pedir a readmisión dun traballador despedido e a retirada a outros dous compañeiros expedientados como consecuencia dos altercados rexistrados na folga do pasado 5 de decembro.

A BBC busca incrementar a súa audiencia e os seus beneficios a través de Internet. O grupo público británico pechou un acordo co sitio de vídeos YouTube para ofrecer contidos informativos e de entretemento.

O director de El País, Javier Moreno, nomeou a Juan Cruz adxunto á dirección para Comunicación e Relacións Exteriores. José Manuel Calvo será subdirector e Luis Prados, redactor xefe da sección de Internacional. Segundo o diario de Prisa, estes cambios van dirixidos a fortalecer os contidos informativos do diario e enmárcanse dentro da ampla renovación do equipo directivo emprendida en xuño de 2006.

110 traballadores e directores das publicacións de Edipresse veranse afectados por un Expediente de Regulamento de Emprego (ERE) que estará culminado antes do verán. A empresa afronta así a súa fusión con RBA Revistas, da que nace RBA Edipresse.