A Comisión de Traballo e Asuntos Sociais aprobou onte por unanimidade unha proposición non de lei pola que se insta ó Goberno a fomentar unha programación adecuada nas televisións e contribúa a eliminar das grellas, segundo as horas de emisión, os contidos que sexan inadecuados para a infancia.

A folga xeral de Telemadrid do pasado 5 de decembro "só era o primeiro paso dunha serie de mobilizacións que terán lugar ata as eleccións". Así o manifestaron os sindicatos da cadea autonómica madrileña nunha das súas follas sindicais no mes de novembro e así está a suceder.

110 traballadores e directores das publicacións de Edipresse veranse afectados por un Expediente de Regulación de Emprego (ERE) que estará culminado antes do verán. A empresa afronta así a súa fusión con RBA Revistas, da que nace RBA Edipresse.

Segundo Periodista Digital (PD) Alex Grijelmo estaría a preparar a súa marcha da Axencia EFE. Aínda que este mesmo medio advirte que a noticia foi desmentida pola Directora de Comunicación da compañía, Ana Vaca de Osma.

Un tribunal de Apelación exipcio anulou a pena dun ano de cárcere ó redactor xefe dun semanario opositor que falara de malversación de fondos por parte do presidente do país.

O Tribunal Supremo (TS) avalou a fusión entre a Cadea Ser e Antena 3 Radio unha vez modificada a lexislación que afecta ó pluralismo informativo en novembro do 2005, a través da Lei de Medidas Urxentes para o Impulso da Televisión Dixital Terrestre.

Abrolla unha nova posibilidade non só de aproveitar os recursos xa existentes senón de relanzar a aposta polas emisións en galego da RTVE. O conseller de Cultura da Generalitat propúxolle á nova dirección do ente público estatal que a TVE reserve unha das súas canles dixitais para unha programación compartida en catalán, galego e éuscaro.

O grupo Planeta, propietario de La Razón e o gratuíto ADN, quere competir en Internet. Prepara un novo medio dixital que prevé que estea listo para o próximo outono.

A comisión de Traballo e Asuntos Sociais debaterá hoxe unha proposta do PP que reclama ó Goberno que impulse un código deontolóxico cos medios de comunicación que "garanta unha programación de calidade e adecuada" para os menores.

Un auto do Tribunal Supremo acaba de declarar que non se pode executar a súa sentenza do 9 de xuño de 2000, -anulou a concentración da Ser, Antena 3 Radio e Unión Radio-, debido ó cambio da lei que regula o sector da radio, aprobado polo Goberno de José Rodríguez Zapatero en xuño de 2005.