O xornalista Ángel Arnedo Gil, director do diario El Correo durante os últimos nove anos, asume a partir de onte a Dirección Xeral Editorial de Vocento, mentres que Juan Carlos Martínez Gauna pasará a ocupar o posto de novo director do periódico, segundo anunciou onte o grupo Vocento. Desde a Dirección Xeral Editorial de Vocento, Arnedo "liderará a optimización dos recursos humanos e técnicos de todos os medios do grupo co obxectivo de mellorar as sinerxias e, en consecuencia, dos seus produtos informativos".

O Seminario Permanente sobre Comunicación, Cidadanía e Xornalismo Social do Observatorio Galego dos Medios, que depende do CPXG, continúa en 2007 coa celebración dos seus foros internacionais sobre xornalismo e sociedade. O luns, 15 de xaneiro, arrincou a fase virtual do Foro sobre 'Comunicación e Mocidade', no que se poderá debatir sobre os diferentes aspectos do tratamento informativo que recibe a mocidade nos medios de comunicación. Este foro terá a súa xornada presencial o 22 de xaneiro en Lugo, día no que remata. Pretende servir de punto de encontro entre o asociacionismo xuvenil e os profesionais dos medios de comunicación.

El juez de la Audiencia Nacional Santiago Pedraz ha vuelto a ordenar hoy la captura de los militares imputados por la muerte del cámara de Tele 5 José Couso, el 8 de abril de 2003 en Irak. Pedraz ha reactivado el caso Couso con la petición de busca y captura internacional, a efectos de extradición, de los los tres sodados estadounidenses que dispararon aquel día contra el hotel Palestina de Bagdad, donde se encontraban los periodistas que cubrían la guerra de Irak.

O presidente da Corporación RTVE, Luis Fernández, nomeou novo director de TVE a Javier Pons Tubio, en substitución de Manuel Pérez Estremera. Ademais, o economista Jaime Gaiteiro Fortes é o novo director xeral corporativo de RTVE.

O Goberno de transición en Somalia ordenou a clausura dos principais medios de comunicación do país, informaron fontes da ONU, entre eles a televisión Al Jazeera, Radio Voz do Santo Corán, rede Shabelle, e a radio e a televisión do Corno Africano.

O tribunal de primeira instancia de Casablanca condenou, o 15 de xaneiro de 2007, ó director de publicación do semanario Nichane, Driss Ksikes, e á xornalista Sanaa Elaji, a tres anos de cárcere, co cumprimento da pena en suspenso, e unha multa de 80.000 dirhams (equivalentes a 7.200 euros). Por outra parte, condenou ó semanario a dous meses de suspensión.

RTVE deu un paso adiante na súa historia. O Salón de Conferencias do Congreso foi testemuña dun xuramento sen precedentes: o do primeiro presidente da nova Corporación electo por esta Cámara, e non a dedo polo Goberno, co consenso dos principais partidos políticos.

O Goberno portugués vai aprobar no próximo mes de febreiro a nova lei de televisión coa cal se pretende volver ó modelo antigo da televisión pública. É dicir, que a segunda canle da Radio Televisión Portuguesa (RTP) volva a depender do primeiro e non caia en mans de privados. A lei, que se encontra en discusión pública, podería entrar en vigor en xullo, e trae novas propostas na renovación de licenzas e propostas dos operadores.

O ministro de Xustiza, Juan Fernando López Aguilar, suspendeu unha conferencia que tiña previsto impartir na Universidade islámica Imam de Riad porque as autoridades desta universidade non autorizaron a entrada ás catro mulleres xornalistas que seguen a súa visita oficial a Arabia Saudí.

Radiotelevisión Española abre hoxe un novo capítulo no seu medio século de historia coa chegada do xornalista Luis Fernández á presidencia da Corporación. É a primeira vez que un Goberno renuncia a nomear ó director xeral de RTVE para encomendar esta función ó Parlamento. Tras a súa elección polo Congreso dos Deputados e o Senado, os 12 membros do Consello de Administración (incluído o presidente) que hoxe toman posesión teñen ante si o reto de xestionar unha empresa con varias frontes abertas: elaborar un marco financeiro, deseñar un modelo de produción, axustar o cadro, perfilar os contidos da radio e a televisión, fixar limitacións publicitarias e decidir a estrutura territorial.