O Colexio Oficial de Psicólogos de Galicia, o Colexio Profesional de Xornalistas de Galicia e o Consello da Avogacía Galega emitiron esta tarde no marco dun acto celebrado no Clube Internacional de Prensa ás 19:00 unha declaración institucional conxunta manifestando o seu "firme rexeitamento das conductas que supoñan calquera tipo de violencia cara a muller" así como "dos condicionantes sociais que subxacen a esta violencia".

O Colexio Profesional de Xornalistas de Galicia (CPXG), o Colexio Oficial de Psicólogos e o Consello da Avogacía Galega convocan esta tarde un acto no que presentarán unha declaración conxunta sobre como 'Eliminar a Violencia contra as Mulleres. Un compromiso Profesional'. O lugar da convocatoria é a sede do Club Internacional de Prensa (Avda. da Coruña, 6, baixo), en Santiago de Compostela. A cita está marcada para as 19.00 horas.

Responsables de Antena 3 declararon onte que un dos obxectivos inmediatos da cadea de televisión é crear, nos próximos meses, unha axencia de noticias para radio e televisión, coa idea de comercializar os seus contidos informativos con outros medios de comunicación.

O Goberno portugués quere finalizar en xaneiro de 2007 o proceso de reestruturación da televisión e radio estatal, RTP e RDP respectivamente. O ministro de Asuntos Parlamentarios, Augusto Santos Silva, quere dar por finalizado un proxecto iniciado no 2002 que rematará coa fusión das catro empresas do grupo (RTP SGPS, RTP SPT, RDP e RTP Medios de Produción) nunha soa empresa de capital público. A intención do Executivo luso é "presentar en novembro na Asemblea da República a revisión do modelo de xestión de RTP e RDP".

O cardeal e arcebispo de Madrid, Antonio María Rouco, constatou onte a inviabilidade empresarial e profesional dunha televisión informada pola visión cristiá do home e o mundo, se o titular ou o soporte xurídico da canle non pertence ó ámbito institucional da Igrexa.

entradiña de proba

A Universidade de Estremadura conta xa cunha radio de 24 horas, Onda Campus 24 horas, que emite a través da páxina web da Universidade de Estremadura: www.unex.es.

A directora xeral de RTVE, Carmen Caffarel, declarou que o xornalista Germán Yanke "ten as portas de RTVE abertas para exercer libremente o seu oficio de informar e de opinar".

O grupo de investigación Cidacom organiza o segundo Foro da Cidadanía e da Comunicación, dedicado ao estudo do documental. Durante as dúas xornadas de debate analizarase a función deste xénero na construción de cidadáns/cidadás críticos/as, contrapoñéndoo ao resto de produtos e creacións audiovisuais.

O Colexio Profesional de Xornalistas de Galicia (CPXG) e a Delegación en Galicia do Colexio Oficial de Enxeñeiros Navais e Oceánicos asinaron un convenio de colaboración aproveitando os aspectos de carácter social e público que comparten. Este acordo materializouse na convocatoria do 'Premio ao mellor Artigo Xornalístico sobre o Sector Naval', publicado en prensa polos colexiados do CPXG ou polos do Colexio de Enxeñeiros Navais.