A Deputación de Ourense vén de convocar a XXXIII edición do Premio Xosé Aurelio Carracedo, en cuxo xurado participa o Colexio Profesional de Xornalistas de Galicia. Este ano, o galardón, ademais de recoñecer a traxectoria profesional dun xornalista, contará tamén cunha bolsa para o ourensán ou a ourensá con mellor expediente académico que curse o primeiro ano do grao en Xornalismo.
O grupo de investigación Novos Medios da Universidade de Santiago de Compostela, coa colaboración do Colexio Profesional de Xornalistas de Galicia, organiza o segundo seminario online A comunicación na era da intelixencia artificial: O papel dos medios de comunicación. A xornada formativa vai desenvolverse o vindeiro venres 27 de setembro, en horario das 12.00 ás 14.00 horas. A asistencia está aberta de maneira gratuíta, mediante inscrición previa, para profesionais da comunicación.
Como colexiado ou colexiada do CPXG, contas con numerosos servizos e vantaxes ao teu dispor, como gozar de cobertura legal, solicitar o Carné Internacional de Prensa da FIP, acceder a cursos de formación ou ter descontos e promocións en numerosos produtos e servizos. Consulta aquí as últimas novidades.
Por descanso vacacional, o Colexio Profesional de Xornalistas de Galicia (CPXG) vai permanecer pechado entre os días 12 e o 30 de agosto, ambos os dous incluídos, retomando a súa actividade normal a partir do luns 2 de setembro.
SembraMedia vén de facer pública a base de datos Global Project Oasis, que analiza 3,238 medios dixitais independentes en 68 países de Europa e América, entre eles 94 españois. De cada un deles dase información como o ano de fundación, a ubicación, o tipo de contido, o tipo de organización editora, o tipo de ingresos, as audiencias ou o número de persoas empregadas. O directorio vai acompañado dun informe que recolle datos como que o principal modo de financiamento é a publicidade, que dous terzos das organizacións teñen ánimo de lucro ou que máis da metade dos medios teñen mulleres no equipo fundador.
Alba Chao é a gañadora do IV Premio de Xornalismo 'Somos Esenciais', organizado polo Colexio Profesional de Xornalistas de Galicia en colaboración con Gadis, pola reportaxe "Pornografía en la red, la mayor escuela de desigualdad y misoginia", publicada no xornal Faro de Vigo. O xurado decidiu conceder tamén unha mención de honra a "Bebés roubados, entre o silencio e a impunidade", un traballo de Carolina Sertal para a revista Luzes.
O rexistro NRede do Colexio Profesional de Xornalistas de Galicia continúa a incluír novos medios dixitais interesados en garantir o seu traballo xornalístico co selo de Medio Dixital Galego. Coa nova incorporación de El Diario de Arteixo, xa son dezanove as cabeceiras acreditadas coa certificación que garante que a súa información é froito dun traballo profesional. Os medios interesados seguen a poder solicitar a súa inscrición, gratuíta se a tramita unha persoa colexiada.
Queda pouco máis dunha semana para presentar candidaturas á novena bolsa ‘Nacho Mirás’ para xornalistas noveis, organizada e desenvolvida polo Colexio Profesional de Xornalistas de Galicia e patrocinada por Abanca, coa colaboración da Facultade de Ciencias da Comunicación da USC. O vindeiro mércores, 31 de xullo, remata o prazo de inscrición nesta bolsa, que cunha dotación de 6.000 euros promove proxectos xornalísticos de persoas tituladas recentemente en Xornalismo ou Comunicación Audiovisual, aceptándose tamén o desenvolvemento de proxectos presentados como traballo de grao ou de máster.
A decana do Colexio Profesional de Xornalistas de Galicia, Belén Regueira, e a vogal da Xunta de Goberno Ana González Liste reuníronse este martes coas xornalistas salvadoreñas Carolina Amaya, fundadora e directora de Malayerba, e Gabriela Villarroel, redactora de La Prensa Gráfica, para coñecer de primeira man a situación da liberdade de prensa nese país. Na xuntanza participaron tamén Juana Ferrer Paredes, activista dominicana da Confederación Nacional de Mujeres del Campo, que se encontra e Galicia grazas ao mesmo programa Galicia Abriga que acolle ás comunicadoras do Salvador, e Sonia Díaz, técnica de proxectos de Agareso, Asociación Galega de Comunicación para o Cambio Social.
‘Proxecto Ponte de Palabras. Xornalismo colaborativo e transmediático especializado na migración’ é unha guía multiplataforma para mellorar a información sobre a cuestión migratoria, realizada polo alumnado de primeiro curso do grao de Xornalismo da USC, baixo a coordinación de José Casás, Xosé López e Ana Isabel Rodríguez Vázquez e coa colaboración do Colexio de Xornalistas e o Grupo de Investigación ESCULCA.