O xornal dixital Metropolitano.gal busca reforzar a súa redacción coa incorporación dun ou dunha xornalista dixital, a xornada completa, para cubrir a información de Vigo e a súa contorna.

Este sábado 31 de xaneiro celebrouse unha xornada de formación en alfabetización mediática organizada polo Colexio Profesional de Xornalistas de Galicia, na que unha vintena de xornalistas aprenderon os fundamentos da desinformación, así como os recursos didácticos dispoñíbeis para loitar contra ela desde a alfabetización mediática. O curso, impartido por Vivian Rangel, de Maldita.es, busca formar docentes para os proxectos de alfabetización mediática do Colexio.

A Xunta de Goberno do Colexio Profesional de Xornalistas de Galicia convoca a XXV Asemblea Xeral Ordinaria do CPXG, que terá lugar o sábado 21 de febreiro de 2025, ás 11.30 horas en primeira e ás 12.00 horas en segunda convocatoria. Pódese participar na Asemblea tanto de maneira presencial no salón de actos do edificio Cersia (Alcalde Raimundo López Pol, s/n) en Santiago de Compostela como de forma virtual, sendo imprescindíbel en calquera caso confirmar a asistencia antes do 16 de febreiro.

A decana do Colexio de Xornalistas, Belén Regueira, e a vicedecana primeira, Sonia Vizoso, mantiveron este xoves unha xuntanza con Roberto Barba, director xeral de Loita contra a Violencia de Xénero da Xunta de Galicia, e Patricia Fernández, subdirectora xeral, co obxectivo de pór en marcha unha nova fase de obradoiros de formación especializada nos medios galegos sobre tratamento de violencia contra as mulleres.   

O Colexio Profesional de Xornalistas de Galicia abre a convocatoria da vixésimo segunda edición do Premio Xornalistas de Liberdade de Prensa, que recoñece o traballo dunha persoa ou organización destacada na defensa da liberdade de prensa ou cunha traxectoria profesional destacable libre e independente. Pódense presentar candidaturas ao galardón desde hoxe ata o martes 3 de marzo ás 14:00 horas.

Mañá, martes 27, é o último día para inscribirse na nova xornada de formación, gratuíta para todas as persoas colexiadas, que terá lugar o sábado 31 de xaneiro entre as 9.30 e as 15.00 horas no edificio Cersia de Santiago de Compostela. A formación esta destinada a formar os equipos do Colexio de Xornalistas para impartir de maneira remunerada obradoiros de alfabetización mediática e está pensada tanto para as persoas que queiran pasar a formar parte da bolsa de traballo de formadoras e formadores como para aquelas que xa recibiron a formación inicial. 

O relatorio La libertad de información en España do ano 2025, feito público recentemente pola Plataforma en Defensa da Liberdade de Información, advirte do risco dunha normalización das ameazas persistentes ao exercicio do xornalismo, que poden acabar deteriorando gravemente a liberdade de prensa. O documento recolle unha serie de ataques contra as e os xornalistas e proxectos normativos que afectan á liberdade de información, ademais de apuntar as liñas que marcaran a evolución deste dereito neste novo ano e recomendar unha serie de actuacións aos poderes públicos. 

A delegación de La Voz de Galicia no Deza busca incorporar un redactor ou redactora para a edición local de Lalín do xornal, que contribúa a garantir a cobertura informativa da comarca.

Unha nova xornada de formación, gratuíta para todas as persoas colexiadas e destinada a formar os equipos do Colexio de Xornalistas para impartir obradoiros de alfabetización mediática, terá lugar o vindeiro sábado 31 de xaneiro entre as 9.30 e as 15.00 horas no edificio Cersia de Santiago de Compostela. A formación vai estar dirixida á facilitación de estratexias didácticas para achegar a alfabetización mediática a diferentes grupos de idade e está pensada tanto para as persoas que queiran pasar a formar parte da bolsa de traballo de formadoras e formadores como para aquelas que xa recibiron a formación inicial. Xa está aberto o prazo de inscrición até o día 27 de xaneiro. 

O sábado 31 de xaneiro terá lugar en Santiago de Compostela unha xornada de formación, gratuíta e aberta a todas as persoas colexiadas, para integrar o equipo do Colexio de Xornalistas para impartir obradoiros de alfabetización mediática. A formación, centrada en ferramentas para combater a desinformación nas aulas, está pensada tanto para persoas que queiran pasar a formar parte da bolsa de traballo de formadoras e formadores como para aquelas que xa recibiron a formación inicial e queiran afondar na materia.