Os obradoiros contra a desinformación do Colexio de Xornalistas na provincia de Lugo, postos en marcha coa subvención da Deputación de Lugo, chegan esta semana á Fonsagrada cun taller que terá lugar o xoves 9 de xullo, ás 12:30 na Casa da Cultura. Esta actividade de alfabetización mediática, dirixida ao público adulto, estará impartida por Pilar Rodríguez Losada.
Lucía Quiroga presentou este luns en Oleiros a súa Guía de periodismo inclusivo: Perspectiva de género interseccional en la construcción de mensajes mediáticos, publicada coa axuda do Instituto das Mulleres, que se presenta como ferramenta para aplicar a perspectiva de xénero na comunicación. A xornalista participou tamén nun debate sobre a situación da profesión xunto a Cláudia Morán, Marga Tojo, Montse Montaos e Pablo Cibeira.
A xornalista Carmen Quintela foi a encargada de impartir este martes 30 de xuño en Barreiros un novo obradoiro de alfabetización contra a desinformación organizado polo Colexio de Xornalistas coa subvención da Deputación de Lugo. A poboación da localidade mariñá puido achegarse no Centro Sociocultural de San Cosme a ferramentas e estratexias para distinguir as noticias falsas e loitar contra elas.
O Colexio Profesional de Xornalistas de Galicia organiza o vindeiro martes 30 de xuño ás 11:00 horas no Centro Sociocultural de San Cosme de Barreiros un novo obradoiro de alfabetización mediática dirixido á poboación adulta. O taller, encadrado no programa de obradoiros contra a desinformación, organizado coa subvención da Deputación de Lugo, estará impartido por Carmen Quintela, e a asistencia é libre e gratuíta, sen necesidade de inscripción previa.
Ángeles Rodríguez e Carlos G. Hervella son os gañadores do sexto Premio de Xornalismo 'Somos Esenciais', organizado polo Colexio Profesional de Xornalistas de Galicia coa colaboración de Gadis, polo traballo «Megaincendios na provincia de Ourense. A traxedia das chamas», publicado en setembro de 2025 en O Sil. O xurado decidiu conceder tamén unha mención de honra a «Habitar o baleiro: luces e sombras do rural galego», publicada en Sermos Galiza, o suplemento de Nós Diario, polo colectivo formado por Alba Moledo, Brais Lorenzo, Cláudia Morán, Sol Mendiguchía e Sergio Pascual.
O xornalista Miguel Rodríguez impartiu esta mañá dous obradoiros contra a desinformación ao alumnado do IES Poeta Añón de Outes, cos que se inicia unha nova etapa do programa de alfabetización mediática nos centros de ensino medio da provincia da Coruña. O Colexio de Xornalistas levará ferramentas e coñecementos contra as noticias falsas a unha decena de localidades ao longo dos vindeiros meses, grazas a un convenio asinado coa Deputación da Coruña, a través da área de Dereitos Civís. O acto estivo presentado pola decana do Colexio, Belén Regueira, e a deputada da Área de Dereitos Civís da Deputación, Sol Agra.
O XXXV Premio Carracedo á traxectoria profesional, convocado pola Deputación de Ourense, foi entregado esta mañá en Ourense a Francisco G. Sarria. O exdecano e actual vicedecano terceiro do Colexio de Xornalistas reivindicou no seu discurso o periodismo de proximidade nun momento de crise das redaccións locais. No acto tamén recibiu o premio ao mellor traballo xornalístico Diego Freire Fernández, así como Xosé Lois Colmenero un accésit ao segundo mellor traballo.
O Colexio de Xornalistas iniciou hoxe unha nova edición da formación específica nas redaccións sobre tratamento informativo das violencias contra as mulleres, cun obradoiro impartido na sede do Diario de Pontevedra por Susana Pedreira. Esta experiencia, que continúa o traballo pioneiro realizado o ano pasado en cinco dos principais medios galegos, é posíbel grazas ao convenio asinado coa Consellería de Politica Social e Igualdade da Xunta de Galicia, no marco do Pacto de Estado contra a Violencia de Xénero para o ano 2026.
Pilar Rodríguez Losada impartiu este venres 5 de xuño no Pazo de San Marcos de Lugo o primeiro dos obradoiros que levarán a alfabetización mediática a vinte localidades de toda a provincia. Con esta formación, deseñada para trasladar a poboación adulta coñecementos contra as mentiras e ferramentas para combatelas, comeza o programa contra a desinformación organizado polo Colexio de Xornalistas coa subvención da Deputación de Lugo.
Até o martes 15 de setembro pódense presentar propostas para a XI Bolsa ‘Nacho Mirás’ para proxectos xornalísticos, organizada e desenvolvida polo Colexio Profesional de Xornalistas de Galicia e patrocinada por Abanca, coa colaboración da Facultade de Ciencias da Comunicación da USC. Esta nova edición ten como novidade que está aberta a todos e todas as xornalistas, sen límite de idade, aínda que se seguirá valorando especialmente as propostas de estudantes de último curso ou persoas que acadaran o título nos últimos cinco anos.