Alba Chao é a gañadora do IV Premio de Xornalismo 'Somos Esenciais', organizado polo Colexio Profesional de Xornalistas de Galicia en colaboración con Gadis, pola reportaxe "Pornografía en la red, la mayor escuela de desigualdad y misoginia", publicada no xornal Faro de Vigo. O xurado decidiu conceder tamén unha mención de honra a "Bebés roubados, entre o silencio e a impunidade", un traballo de Carolina Sertal para a revista Luzes.

O rexistro NRede do Colexio Profesional de Xornalistas de Galicia continúa a incluír novos medios dixitais interesados en garantir o seu traballo xornalístico co selo de Medio Dixital Galego. Coa nova incorporación de El Diario de Arteixo, xa son dezanove as cabeceiras acreditadas coa certificación que garante que a súa información é froito dun traballo profesional. Os medios interesados seguen a poder solicitar a súa inscrición, gratuíta se a tramita unha persoa colexiada.

Queda pouco máis dunha semana para presentar candidaturas á novena bolsa ‘Nacho Mirás’ para xornalistas noveis, organizada e desenvolvida polo Colexio Profesional de Xornalistas de Galicia e patrocinada por Abanca,  coa colaboración da Facultade de Ciencias da Comunicación da USC. O vindeiro mércores, 31 de xullo, remata o prazo de inscrición nesta bolsa, que cunha dotación de 6.000 euros promove proxectos xornalísticos de persoas tituladas recentemente en Xornalismo ou Comunicación Audiovisual, aceptándose tamén o desenvolvemento de proxectos presentados como traballo de grao ou de máster. 

A decana do Colexio Profesional de Xornalistas de Galicia, Belén Regueira, e a vogal da Xunta de Goberno Ana González Liste reuníronse este martes coas xornalistas salvadoreñas Carolina Amaya, fundadora e directora de Malayerba, e Gabriela Villarroel, redactora de La Prensa Gráfica, para coñecer de primeira man a situación da liberdade de prensa nese país. Na xuntanza participaron tamén Juana Ferrer Paredes, activista dominicana da Confederación Nacional de Mujeres del Campo, que se encontra e Galicia grazas ao mesmo programa Galicia Abriga que acolle ás comunicadoras do Salvador, e Sonia Díaz, técnica de proxectos de Agareso, Asociación Galega de Comunicación para o Cambio Social. 

‘Proxecto Ponte de Palabras. Xornalismo colaborativo e transmediático especializado na migración’ é unha guía multiplataforma para mellorar a información sobre a cuestión migratoria, realizada polo alumnado de primeiro curso do grao de Xornalismo da USC, baixo a coordinación de José Casás, Xosé López e Ana Isabel Rodríguez Vázquez e coa colaboración do Colexio de Xornalistas e o Grupo de Investigación ESCULCA.

Amplíase até o mércores 31 de xullo o prazo para enviar propostas á IX bolsa ‘Nacho Mirás’ para xornalistas noveis, organizada e desenvolvida polo Colexio Profesional de Xornalistas de Galicia e patrocinada por Abanca, coa colaboración da Facultade de Ciencias da Comunicación da Universidade de Santiago de Compostela. A bolsa ten unha dotación de 6.000 euros, destinada a promover proxectos xornalísticos de persoas tituladas recentemente en Xornalismo ou Comunicación Audiovisual, aceptándose tamén o desenvolvemento de proxectos presentados como traballo de grao ou de máster.  

A Federación Internacional de Xornalistas (FIP) e o seu Consello de Xénero veñen de dirixirse ao Comité Olímpico Internacional (COI) para solicitarlle que garanta a igualdade de xénero e a seguranza das mulleres xornalistas nos vindeiros Xogos Olímpicos de París, así como que fomente a diversidade no cadro da competición.

Este próximo luns, 15 de xullo, remata o prazo para presentar candidaturas á novena bolsa ‘Nacho Mirás’ para xornalistas noveis, organizada e desenvolvida polo Colexio Profesional de Xornalistas de Galicia e patrocinada por Abanca. A bolsa ten unha dotación de 6.000 euros, destinada a promover proxectos xornalísticos de persoas tituladas recentemente en Xornalismo ou Comunicación Audiovisual, aceptándose tamén o desenvolvemento de proxectos presentados como traballo de grao ou de máster.   

A ONU publicou recentemente os seus Principios Globais para preservar a integridade da información, que recollen cinco áreas concretas para loitar contra a desinformación online: confianza e resiliencia da sociedade; incentivos positivos; empoderamento público; medios de comunicación, independentes, libres e plurais; e transparencia e investigación. O documento recolle tamén recomendacións para empresas tecnolóxicas, fornecedores de intelixencia artificial, anunciantes, organizacións da sociedade civil, estados ou medios, entre outros axentes implicados.