Ás 14:00 horas de mañá, mércores 31 de maio, remata o prazo para optar aos 1.500 euros do III Premio 'Somos Esenciais', que convoca o Colexio Profesional de Xornalistas de Galicia en colaboración con Gadis. O galardón recoñece traballos xornalísticos de temática social en Galicia emitidos ou publicados no 2022.
Ata este mércores, 31 de maio, está aberto o prazo para apuntarse ao webinar A información relativa a menores no Protocolo de Comunicación do Ministerio Fiscal en Galicia, organizado polo Colexio Profesional de Xornalistas de Galicia e impartido por Elena López Fernández, que se realizará o sábado 3 de xuño, en horario das 11.00 ás 13:00 horas, a través da plataforma de formación online.
Continúa aberto até o 15 de xuño o prazo para presentarse á oitava bolsa ‘Nacho Mirás’ para xornalistas noveis, organizada e desenvolvida polo Colexio Profesional de Xornalistas de Galicia e patrocinada por Abanca. A bolsa ten unha dotación de 6.000 euros, destinada a promover proxectos xornalísticos de novos e novas tituladas en Xornalismo ou Comunicación Audiovisual.
O veterano xornalista Luís Álvarez Pousa vén de sacar do prelo Medios e políticos, baixo sospeita. 1990-2023, o seu último libro, publicado pola editorial Laiovento, no que fai un seguemento dos últimos 33 anos do ecosistema mediático galego, estatal e internacional, así como de como se desenvolven as estratexias de desinformación e manipulación mediática nunha sociedade democrática.
O rexistro NRede do Colexio Profesional de Xornalistas de Galicia continúa a incluír novas cabeceiras interesadas en garantir o seu traballo xornalístico co selo de Medio Dixital Galego. Coas novas incorporacións, son xa catorce os medios acreditados, e a inscrición continúa aberta para todos os dixitais interesados a través da páxina web do Colexio.
O Colexio Profesional de Xornalistas de Galicia e a Asociación de Prensa de Lugo organizaron este luns 15 de maio na Casa do Saber da Universidade de Santiago de Compostela en Lugo o debate electoral entre Elena Candia, Lara Méndez, Rubén Arroxo e Olga Louzao . As candidatas e o candidato á alcaldía de Lugo polos catro partidos con representación municipal puideron ofrecer as súas propostas sobre mobilidade, cultura e turismo, infraestruturas ou economía, nun acto que contou coa gravación en directo do alumnado do CPR-TIC.
Ás 14.00 horas do mércores 31 de maio remata o prazo para presentar candidaturas á terceira edición do premio 'Somos Esenciais', convocado polo Colexio Profesional de Xornalistas de Galicia, en colaboración con Gadis, para recoñecer traballos xornalísticos de de temática social en Galicia no 2022.
A Universidade de Vigo abriu unha convocatoria para a contratación de persoal investigador e de apoio á investigación á que se poden presentar candidaturas até as 23:59 deste venres 12 de maio. Entre as prazas ofertadas encóntrase a de xestor de comunicación no centro de investigación interuniversitario ECOBAS.
Os candidatos á Alcaldía de Lugo dos catro partidos que obtiveron representación nas últimas eleccións municipais participarán o vindeiro luns, día 15, nun debate, organizado conxuntamente polo Colexio Profesional de Xornalistas de Galicia e pola Asociación de Prensa de Lugo. Será na Casa do Saber (Praza Pío XII, 3), ás 19.30 horas e moderarao a xornalista Lourdes Abuide.
Marcos Méndez, freelance lugués que está a cubrir a guerra de Ucraína, recibiu esta mañá no Teatro Jofre de Ferrol o XIX Premio José Couso de Liberdade de Prensa, organizado polo Colexio Profesional de Xornalistas de Galicia e o Club de Prensa de Ferrol, coa colaboración do Concello de Ferrol. O xornalista asegurou que "hoxe é un día moi feliz, pero estou aquí por contar moita dor".