O Colexio Profesional de Xornalistas de Galicia abre a convocatoria da vixésimo segunda edición do Premio Xornalistas de Liberdade de Prensa, que recoñece o traballo dunha persoa ou organización destacada na defensa da liberdade de prensa ou cunha traxectoria profesional destacable libre e independente. Pódense presentar candidaturas ao galardón desde hoxe ata o martes 3 de marzo ás 14:00 horas.
Mañá, martes 27, é o último día para inscribirse na nova xornada de formación, gratuíta para todas as persoas colexiadas, que terá lugar o sábado 31 de xaneiro entre as 9.30 e as 15.00 horas no edificio Cersia de Santiago de Compostela. A formación esta destinada a formar os equipos do Colexio de Xornalistas para impartir de maneira remunerada obradoiros de alfabetización mediática e está pensada tanto para as persoas que queiran pasar a formar parte da bolsa de traballo de formadoras e formadores como para aquelas que xa recibiron a formación inicial.
O relatorio La libertad de información en España do ano 2025, feito público recentemente pola Plataforma en Defensa da Liberdade de Información, advirte do risco dunha normalización das ameazas persistentes ao exercicio do xornalismo, que poden acabar deteriorando gravemente a liberdade de prensa. O documento recolle unha serie de ataques contra as e os xornalistas e proxectos normativos que afectan á liberdade de información, ademais de apuntar as liñas que marcaran a evolución deste dereito neste novo ano e recomendar unha serie de actuacións aos poderes públicos.
A delegación de La Voz de Galicia no Deza busca incorporar un redactor ou redactora para a edición local de Lalín do xornal, que contribúa a garantir a cobertura informativa da comarca.
Unha nova xornada de formación, gratuíta para todas as persoas colexiadas e destinada a formar os equipos do Colexio de Xornalistas para impartir obradoiros de alfabetización mediática, terá lugar o vindeiro sábado 31 de xaneiro entre as 9.30 e as 15.00 horas no edificio Cersia de Santiago de Compostela. A formación vai estar dirixida á facilitación de estratexias didácticas para achegar a alfabetización mediática a diferentes grupos de idade e está pensada tanto para as persoas que queiran pasar a formar parte da bolsa de traballo de formadoras e formadores como para aquelas que xa recibiron a formación inicial. Xa está aberto o prazo de inscrición até o día 27 de xaneiro.
O sábado 31 de xaneiro terá lugar en Santiago de Compostela unha xornada de formación, gratuíta e aberta a todas as persoas colexiadas, para integrar o equipo do Colexio de Xornalistas para impartir obradoiros de alfabetización mediática. A formación, centrada en ferramentas para combater a desinformación nas aulas, está pensada tanto para persoas que queiran pasar a formar parte da bolsa de traballo de formadoras e formadores como para aquelas que xa recibiron a formación inicial e queiran afondar na materia.
No seu último informe sobre liberdade de expresión e desenvolvemento dos medios, correspondente ao período 2022-2025, a Unesco alerta dunha caída do índice de liberdade de expresión a niveis nunca vistos en décadas, ao tempo que aumenta a autocensura e a hostilidade cara aos xornalistas. Como contrapunto positivo, a organización destaca aspectos como o maior acceso a redes sociais e plataformas de mensaxería, o xornalismo colaborativo ou o crecemento das subscricións de pagamento.
Como cada ano por estas datas, a Federación Internacional de Xornalistas (FIP) e Reporteiros sen Fronteiras (RSF) publicaron os seus balances sobre asasinatos e encarceramento de xornalistas no 2025. Con criterios lixeiramente distintos, RSF recolle o asasinato de 67 profesionais dos medios (3 deles mulleres) no que vai de ano, mentres que o relatorio FIP documenta un total de 111 xornalistas asasinados (7 mulleres); mais ambas as dúas organizacións apuntan a Gaza como o territorio máis perigoso para a profesión ao exército israelí como responsábel de case a metade das mortes: un 46% segundo a FIP, un 43% de acordo cos datos de RSF. Os dous informes destacan así mesmo un aumento dos asasinatos de xornalistas e encadráno nun clima crecente de restrición do dereito a información.
Isabel Bravo, Cristina Lombao e Carmen Merelas, tres das xornalistas que protagonizan a entrada das mulleres nos medios reflectida en A Crónica Revelada: As precursoras do xornalismo galego, protagonizaron o pasado sábado unha nova edición de 'Xornalistas no Mercado' no Mercado de San Agustín, organizada pola demarcación da Coruña do Colexio de Xornalistas, coa colaboración de A Parva. Na conversa, as comunicadoras relataron exemplos de machismo que viviron nas redaccións e repasaron a situación dunha profesión que vive "un momento de involución terrible", pero no que aínda "hai oco para a información repousada".
O acto de presentación do libro Mirás: Xornalismo gaiteiro serviu esta mañá para reivindicar a figura de Nacho Mirás, falecido hai unha década, como un dos grandes xornalistas galegos dos últimos anos. Na Facultade de Ciencias da Comunicación, familiares, amizades e compañeiros e compañeiras destacaron nun "acto de amor" o labor dun profesional "que quería contarlle á xente o que lle pasa a xente" e valoraron a publicación do volume como un exemplo de xornalismo para as novas xeracións.