O acto vai contar coa participación de Irene Cancelas Sánchez, responsable de Comunicación de Dano Cerebral Galicia: Pablo Freire Portela, traballador social de Dano Cerebral Lugo e membro do Grupo de Comunicación de Dano Cerebral Galicia; e Lucrecia Alcolado Sánchez, persoa con dano cerebral adquirido de Lugo.

O dano cerebral adquirido

O dano cerebral adquirido ten o reto de darse a coñecer entre a sociedade polo seu carácter recente. Aínda que ictus, a súa principal causa, non é novo, a súa incidencia vai en aumento, afectando ademais a persoas cada vez máis novas. Por outra banda, as melloras nas urxencias médicas e na atención hospitalaria salvan moitas vidas que continúan con esta discapacidade.

Ás veces, estas propias persoas descoñecen que teñen dano cerebral adquirido, polo que é preciso que os e as xornalistas colaboren a súa identificación. Só sabendo o que é, diferenciando a discapacidade das súas causas, pode comprenderse a dimensión social da cuestión, cales son os recursos necesarios para atender á poboación afectada ou que secuelas definen ás persoas que o teñen, freando o muro de incomprensión.

Neste almorzo On/Off, achegaranse algunhas claves para identificar e contextualizar esta discapacidade, ás que vai axudar o testemuño en primeira persoa de Lucrecia Alcolado, que ten dano cerebral adquirido desde hai catro anos. O encontro, que non vai exceder unha hora de duración e será aberto para os e as xornalistas interesadas, facilitará ás e aos profesionais da comunicación a cobertura dunha discapacidade que cada vez ten máis presenza na nosa sociedade. 

CPXG