Na conversa debateuse sobre a definición de xornalista en tempos de ‘creadores de contido’ e ‘influencers’. Yáñez apelou á “responsabilidade e o oficio” que deben caracterizar o periodismo e Tabarés aludiu ao “compromiso coa información” e ao “procedemento” que supón o traballo xornalístico, “para ofrecer garantías a quen consome a información”.
 
Falouse tamén do papel das empresas xornalísticas, cuxa necesidade defendeu Tabarés porque o xornalismo é “un traballo colectivo”, mentres Yáñez sinalou a necesidade de que xurdan “proxectos con estruturas diferentes e modelos de negocio viables” e de que os medios entendan que a “relación cos lectores cambiou”. 
 
As participantes resaltaron a necesidade da boa información para as sociedades que aspiran a ser libres, as dificultades da cidadanía para identificar o periodismo “na selva“ de contidos actual e as repercusións da precarización das redaccións na calidade da información.
 
‘Xornalistas no mercado’ é unha iniciativa da demarcación da Coruña do CPXG, coa colaboración de A Parva, a cantina do mercado de San Agustín, rexentada por periodistas. on estes encontros, que se producirán periodicamente, o Colexio de Xornalistas quere favorecer a xuntanza entre profesionais e estimular a conversa sobre as condicións nas que se exerce o xornalismo. 

CPXG