Reporteiros Sen Fronteiras (RSF) presentou onte en Madrid a súa aplicación "Chaleco dixital", unha aplicación móbil en castelán para xornalistas, destinada a alertar e protexelos en situacións de risco e zonas de conflito. A aplicación foi desenvolvida por TalentoMobile e conta co apoio do Ministerio de Asuntos Exteriores, Unión Europea e Cooperación.

A finalidade do “Chaleco dixital” é minimizar os riscos que corren os xornalistas mediante unha aplicación de xeolocalización para smartphones con sistema operativo Android. Permitirá enviar mensaxes de socorro e compartir a ubicación con quen decida o usuario, a través de botóns predeterminados, cando exista un perigo real ou compartir o itinerario dunha viaxe na que exista a posibilidade de sufrir un secuestro o ataque, axudando deste xeito a crear un mapa das zonas seguras. Tamén inclúe a posibilidade de facer advertencias sobre ciberacoso. 

Alfonso Armada, presidente da Sección Española de Reporteiros Sen Fronteiras, asegurou que "aínda que RSF segue a ofrecer chalecos e cascos físicos, que seguirán sendo necesarios, este chaleco dixital dará seguridade aos xornalistas que nos contan o que outros non queren que se vexa". Ademais, insistiu en que é necesario "evitar que isto sexa una ferramenta contra os xornalistas". Ademais de para profesionais da comunicación, a aplicación estará dispoñíbel para cooperantes, activistas de dereitos humanos e outros profesionais.

O acto de presentación do "chaleco dixital" contou tamén cunha homenaxe aos xornalistas David Beriain y Roberto Fraile, asasinados o pasado mes de abril en Burkina Faso mentres estaban a rodar un documental sobre a caza furtiva.

CPXG