Mesa redonda sobre liberdade informativa no LibreTeo
Do ao
Horario: Sábado 28 de abril a partir das 11:00 horas
Lugar: Auditorio Municipal Constante Liste. A Ramallosa, Teo.
Información de contacto:
O Concello de Teo organiza este sábado 28 de abril a partir das 11:00 horas, dentro da xornada do LibreTeo, unha mesa redonda sobre liberdade informativa, que xuntará a destacados profesionais dos medios de comunicación. O acto terá lugar no Auditorio Municipal Constante Liste (A Ramallosa).
A mesa contará coa presenza de Anibal Malvar (xornalista do Diario Público); Belén Regueira (xornalista da Radio Galega); Raquel Ejerique (xornalista de eldiario.es); Adirán Estévez (un dos administradores da Wikipedia-Galipedia); Xurxo Salgado (editor de Galicia Confidencial), Cristina Huete (xornalista de El País) e Manel Pardo (xornalista e director de Lindeiros), como moderador.
Para asistir ao evento é necesario anotarse na páxina web do LibreTeo, onde tamén se pode consultar o programa completo da xornada. Todas as actividades do LibreTeo son de balde.