Pero sobre todo, a Xunta de Goberno do Colexio de Xornalistas manifesta o seu malestar porque a SER é unha empresa rendible, e a cadea de radio de máis audiencia, e os despedimentos non obedecen a ningunha outra necesidade que a de obter máis beneficios a costa de deteriorar a calidade de vida dos profesionais e/ou a calidade do produto que elaboran, e polo tanto que escoita a súa audiencia. O CPXG reitera unha vez máis que a información non é algo que se poda elaborar mediante procesos industriais que abaratan custes e man de obra (ou si, pero entón non é información). Sigue dependendo, para que siga sendo de calidade, de que a fagan os mellores profesionais posibles, coa mellor motivación e a maior entrega.

Xunta de Goberno
Colexio Profesional de Xornalistas de Galicia