'Cahiers du cinéma' terá unha edición para España
A revista de cine 'Cahiers du cinéma' reformou o seu aspecto, cun formato máis reducido, mentres prepara para a primavera próxima unha edición para España, segundo o seu director, Jean-Michel Frodon. No editorial da revista, Frodon revela que os propietarios da publicación asinou un acordo cun editor e un grupo de críticos españois para que esta próxima primavera naza 'Cahiers du cinéma España'.
Trátase dunha revista "irmá", en palabras de Frodon, cuxo contido será en parte orixinal e en parte tradución de artigos da edición francesa.
"Trátase do primeiro gran avance do que é xa unha prioridade básica dos 'Cahiers', que é o seu desenvolvemento internacional que coñecerá pronto novos aspectos", segundo o responsable do mensual francés, que chegou ós 619 números.
Así mesmo, os 'Cahiers du cinéma' modificaron o seu aspecto no número de xaneiro, posto que o formato é máis pequeno, "máis manexable, en resposta a un desexo expresado polos lectores", que é o mesmo que a publicación tiña nos anos 80 do século pasado. Tamén se creou unha nova sección dedicada ás tecnoloxías da imaxe.
SANTIAGO DE COMPOSTELA
GALICIA HOXE
"Trátase do primeiro gran avance do que é xa unha prioridade básica dos 'Cahiers', que é o seu desenvolvemento internacional que coñecerá pronto novos aspectos", segundo o responsable do mensual francés, que chegou ós 619 números.
Así mesmo, os 'Cahiers du cinéma' modificaron o seu aspecto no número de xaneiro, posto que o formato é máis pequeno, "máis manexable, en resposta a un desexo expresado polos lectores", que é o mesmo que a publicación tiña nos anos 80 do século pasado. Tamén se creou unha nova sección dedicada ás tecnoloxías da imaxe.
SANTIAGO DE COMPOSTELA
GALICIA HOXE