As xornadas, que contan coa colaboración do Colexio de Xornalistas e pretenden tender unha ponte entre as aulas e as redaccións, celebraranse nas facultades de Ciencias da Comunicación da Coruña o mércores 14, de Santiago o xoves 15 e de Pontevedra o luns 19.
María Ángeles Rodríguez e Carlos G. Hervella, gañadores do sexto Premio de Xornalismo Somos Esenciais, certame organizado polo Colexio Profesional de Xornalistas de Galicia en colaboración con Gadis, recollerán o galardón o vindeiro mércores 14 de outubro. O colectivo formado por Alba Moledo, Brais Lorenzo, Cláudia Morán, Sol Mendiguchía e Sergio Pascual, tamén estará representado como finalistas no acto que terá lugar ás 11.00 horas na sede do Colexio de Xornalistas en Santiago.
O Colexio de Xornalistas vai poñer en marcha un grupo de traballo dedicado á información e comunicación sobre o rural. O obxectivo do grupo é avanzar na creación dunha Rede galega de periodistas e comunicadores sobre o territorio rural que deseñe materiais e active iniciativas útiles para mellorar e visibilizar a comunicación sobre esta materia.
O vindeiro sábado 17 de outubro, entre as 10:30 e as 13:30, vai celebrarse na Sala Multiusos do Centro Cívico CIdade Vella o último dos obradoiros abertos e gratuítos sobre tratamento informativo das violencias contra as mulleres, impartido por Fátima Frieiro, que ten aberta a inscrición en liña. Esta actividade é posíbel grazas ao convenio asinado coa Consellería de Politica Social e Igualdade da Xunta de Galicia, no marco do Pacto de Estado contra a Violencia de Xénero para o ano 2026, e está organizada dentro do proxecto do CPXG que xa levou esta formación ás redaccións dalgúns dos principais medios galegos, ademais de a dous obradoiros abertos para xornalistas en Vigo e Santiago nas pasadas semanas.
Desde o luns 5 de outubro, o Colexio Profesional de Xornalistas de Galicia regresa ao horario de inverno, segundo estipula o convenio de Despachos e Oficinas da provincia de A Coruña. O CPXG estará aberto no seguinte horario: luns, mércores e venres de 8.00 a 15.00 horas e martes e xoves de 8.30 a 14.30 e de 16.00 a 19.00 horas.
Este sábado 3 de outubro, entre as 10:00 e as 13:00, Marga Tojo impartirá na cooperativa A Morada esta formación dentro do programa organizado polo CPXG que xa chegou a algúns dos principais medios galegos. Esta actividade, gratuíta para todas as persoas interesadas, é posíbel grazas ao convenio asinado coa Consellería de Politica Social e Igualdade da Xunta de Galicia, no marco do Pacto de Estado contra a Violencia de Xénero para o ano 2026, e ten aberta a inscrición en liña, así como tamén o taller que se realizará na Coruña o 17 de outubro.
O mércores 30 remata o prazo para presentar proxectos xornalísticos á XI Bolsa ‘Nacho Mirás’. Esta iniciativa, organizada polo Colexio Profesional de Xornalistas de Galicia e patrocinada por Abanca, coa colaboración da Facultade de Ciencias da Comunicación da USC, está dota da con 6.000 €. Este ano está aberta a toda a profesión, sen límite de idade.
O Colexio Profesional de Xornalistas disponibiliza a análise dos resultados da súa enquisa sobre información municipal, levada a cabo en 2025 e que recolle as valoracións de 56 profesionais da información das sete cidades galegas. Cos datos recollidos naquel momento, preséntase agora unha análise, realizada de maneira anonimizada, que presenta unha diagnose sobre o estado da cuestión, detecta eivas e fai recomendacións que poidan axudar a unha maior eficiencia no traballo tanto dos medios como dos gabinetes institucionais. O informe presenta conclusións xerais, análises individualizadas de cada cidade e unha reflexión final sobre a responsabilidade de xornalistas e medios de comunicación no deterioro da calidade da información municipal.
O vindeiro mércores, 30 de setembro, é o último día para enviar propostas á XI bolsa ‘Nacho Mirás’ para proxectos xornalísticos, organizada e desenvolvida polo Colexio Profesional de Xornalistas de Galicia e patrocinada por Abanca, coa colaboración da Facultade de Ciencias da Comunicación da USC. A bolsa ten unha dotación de 6.000 euros, e está aberta a toda a profesión, sen límite de idade, aínda que promovendo especialmente a xornalistas noveis.
Chega a Vigo un novo obradoiro aberto e gratuíto sobre tratamento informativo das violencias contra as mulleres. O sábado 3 de outubro, entre as 10:00 e as 13:00, Marga Tojo impartirá en A Morada esta necesaria formación, dentro do programa organizado polo CPXG que xa chegou a algúns dos principais medios galegos. Esta actividade é posíbel grazas ao convenio asinado coa Consellería de Politica Social e Igualdade da Xunta de Galicia, no marco do Pacto de Estado contra a Violencia de Xénero para o ano 2026, e ten aberta a inscrición en liña, así como tamén para os talleres que se realizarán en Santiago este sábado 26 e na Coruña o 17 de outubro.